Mumbai Indians : मुंबई इंडियन्सचाने लखनौ सुपर जायंट्सचा एक चांगला खेळाडू आपल्या गळाला लावला आहे. वेस्ट इंडीजचा वेगवान गोलंदाज रोमारियो शेफर्डला मुंबईने आयपीएल 2024 च्या लिलावापूर्वी लखनौ सुपर जायंट्सशी ट्रेड केलं आहे. शेफर्डने 4 आयपीएल सामने खेळले आहेत. त्याने लखनौ सुपर जायंट्स आणि सनराईजर्स हैदराबाद यांच्याकडून खेळला आहे. आता मुंबईने त्याला 50 लाखात आपल्या गोटात खेचलं. क्रिकइन्फोने दिलेल्या माहितीनुसार यंदाचा आयपीएल लिलाव हा 19 डिसेंबरला दुबईत होण्याची शक्यता आहे.
आयपीएल गव्हर्निंग काऊन्सिलने सांगितल्याप्रमाणे आयपीएल फ्रेंचायजींना 15 नोव्हेंबर पर्यंत ते कोणत्या खेळाडूंना रिटेन आणि कोणत्या खेळाडूंना रिलीज करणार आहेत याची यादी सादर करायची आहे. त्यानंतर आयपीएल 2024 च्या लिलावासाठीच्या खेळाडूंची यादी तयार केली जाईल.
बीसीसीआयने आयपीएल 2024 च्या लिलावाची अंतिम तारीख अजून जाहीर केलेली नाही. मिळालेल्या माहितीनुसार आयपीएल 2024 चा लिलाव हा 19 डिसेंबरला दुबईत होणार आहे. हा आयपीएल इतिहासातील परदेशात होणारा पहिलाच लिलाव असेल. यंदाच्या लिलावात प्रत्येक संघाकडे 100 कोटींची पर्स असणार आहे.
मिनी लिलावासाठी पंजाब किंग्जकडे सर्वाधिक रक्कम शिल्लक आहे. त्यांच्या पर्समध्ये 12.20 कोटी रूपये शिल्लक असून सर्वात कमी रक्कम (0.5 कोटी) ही मुंबई इंडियन्सच्या पर्समध्ये शिल्लक राहिली आहे.
कोणाच्या पर्समध्ये किती?
मुंबई इंडियन्स - 0.5 कोटी
सनराईजर्स हैदराबाद - 6.55 कोटी
रॉयल चॅलेंजर्स बेंगलोर - 1.75 कोटी
राजस्थान रॉयर्स - 3.35 कोटी
चेन्नई सुपर किंग्ज - 1.5 कोटी
गुजरात टायटन्स - 4.45 कोटी
दिल्ली कॅपिटल्स - 4.45 कोटी
लखनौ सुपर जायंट्स - 3.55 कोटी
कोलकाता नाईट रायडर्स - 1.16 कोटी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
