IND vs PAK: वर्ल्ड कपमध्ये भारत विरुद्ध पाक सामना होणार नाही! PCB अध्यक्षांच्या वक्तव्याने उडाली खळबळ

IND vs PAK Najam Sethi : गेल्या काही दिवसांपासून भारत आणि पाकिस्तानमध्ये आशिया चषक 2023 बाबत वाद सुरू आहे. त्याचवेळी पाकिस्तान क्रिकेट बोर्ड (PCB) प्रमुख नजम सेठी यांनी 2023 च्या वनडे वर्ल्ड कपबाबतही आपली भूमिका स्पष्ट करत पुन्हा एकदा मोठे वक्तव्य केले आहे.

नजम सेठी यांनी शुक्रवारी स्पष्ट केले की, आगामी आशिया कप आणि 2025 ची चॅम्पियन्स ट्रॉफी खेळण्यासाठी भारतीय संघ त्यांच्या देशात येईल तेव्हाच पाकिस्तानी संघ एकदिवसीय विश्वचषक खेळण्यासाठी भारतात जाईल. आशियाई क्रिकेट परिषदेने (ACC) नुकतेच हायब्रिड मॉडेल नाकारले आहे. जोपर्यंत भारत आणि पाकिस्तान एकमेकांच्या देशात खेळू लागतील तोपर्यंत हाच पर्याय आहे, असे सेठी यांचे मत आहे. त्याचवेळी जय शहा यांनी भारतीय संघ पाकिस्तान दौऱ्यावर जाणार नसल्याचे स्पष्ट केले आहे. याचे कारण दोन्ही देशांच्या सरकारमध्ये सुरू असलेले राजकीय मतभेद आहेत.

पीटीआयशी संवाद साधताना नजम सेठी म्हणाले, 'सध्याच्या परिस्थितीत आम्ही स्पष्ट केले आहे की चार सामने पाकिस्तानमध्ये व्हावेत आणि उर्वरित सामने तटस्थ ठिकाणी खेळल्या जातील. आशियाई क्रिकेट परिषद दोन निर्णय घेऊ शकते, एकतर ते सहमत होतील आणि माझ्या प्रस्तावानुसार वेळापत्रक बनवा किंवा सर्व सामने तटस्थ ठिकाणी खेळवले जातील. पहिला पर्याय घेतल्यास सर्व काही सुटेल. त्याचबरोबर दुसरा पर्याय निवडला तर आम्ही आशिया कप खेळणार नाही.

राजकीय तणावामुळे भारतीय संघ पाकिस्तानात जात नाही. माजी पंतप्रधान इम्रान खान यांच्या अटकेनंतर सध्याच्या सुरक्षेच्या परिस्थितीत इतर संघ तेथे येतील असे तुम्हाला वाटते का? या प्रश्नाच्या उत्तरात नजम सेठी म्हणाले, 'इम्रान खानचा विरोध सहा महिन्यांपासून सुरू आहे. न्यूझीलंड संघ रावळपिंडी, लाहोर, कराची येथे खेळला जेथे आंदोलन चालू होती त्यामुळे हा मुद्दा नाही. इस्लामाबादमध्ये अडचण आली तरी पिंडी, मुलतान, लाहोर, कराची येथे खेळता येईल.

आशिया कप सप्टेंबरमध्ये होणार आहे आणि त्यावेळी पाकिस्तान जळत असेल आणि आम्ही क्रिकेट खेळू शकणार नाही असे तुम्हाला वाटते का? अशी परिस्थिती असेल तर सामना तटस्थ ठिकाणी व्हावा, असे मी स्वतः म्हणेन. आमच्या आदरणीय पाहुण्याला पाकिस्तानात आल्यानंतर दंगलीला सामोरे जावे असे आम्हाला वाटत नाही. आम्ही त्यांची काळजी घेतो.