R Ashwin Returns : IPL 2025पूर्वी धोनीच्या चेन्नईमध्ये परतणार आर अश्विन; फ्रँचायझीने दिली 'ही' मोठी जबाबदारी

R Ashwin Returns in CSK Fold : अनुभवी ऑफ-स्पिन गोलंदाज रविचंद्रन अश्विन पुन्हा एकदा चेन्नई सुपर किंग्ज फ्रँचायझीमध्ये पुनरागमन करत आहे. तो पुन्हा एकदा इंडिया सिमेंटशी जोडला गेला आहे.

रिपोर्ट्सनुसार, अश्विन चेन्नई सुपर किंग्जच्या हाय परफॉर्मन्स सेंटरमध्ये महत्त्वाच्या भूमिकेत दिसणार आहे. त्यामुळे तो पुन्हा चेन्नई सुपर किंग्ज संघात दिसण्याची शक्यता बळावली आहे.

रविचंद्रन अश्विनने आपल्या आयपीएल करिअरची सुरुवात चेन्नई सुपर किंग्ज संघातून केली होती. त्या काळात त्याला जगातील अनेक दिग्गज खेळाडूंसोबत खेळण्याची संधी मिळाली.

अश्विनने मुथय्या मुरलीधरनसारख्या फिरकीपटूंसोबत ड्रेसिंग रूम शेअर केली होती, जो एक महान स्पिनर होता. याचा मोठा फायदा अश्विनला झाला. तथापि, त्याला काही हंगामांनंतर सोडण्यात आले आणि त्यानंतर तो वेगवेगळ्या संघांचा भाग बनला.

आयपीएल 2025 साठी एक मेगा लिलाव होणार आहे आणि या दरम्यान अनेक खेळाडूंच्या संघात फेरबदल होणार आहेत. याआधी अश्विनला पुन्हा एकदा इंडिया सिमेंटशी जोडण्याची संधी मिळाली.

अश्विन आता चेन्नई सुपर किंग्जच्या हाय परफॉर्मन्स सेंटरची जबाबदारी सांभाळणार आहे. हे केंद्र चेन्नईच्या हद्दीत बांधण्यात आले असून आयपीएलच्या पुढील हंगामापूर्वी ते पूर्णपणे कार्यान्वित होण्याची अपेक्षा आहे.