Rajasthan Royals: इंडियन प्रीमियर लीग 2024 स्पर्धेत राजस्थान रॉयल्सने शनिवारी लखनौ सुपर जायंट्स विरुद्ध 7 विकेट्सने विजय मिळवला.
हा राजस्थानचा यंदाच्या हंगामातील 9 सामन्यांतील 8वा विजय ठरला आहे. त्यांनी आत्तापर्यंत केवळ एक पराभव पाहिला आहे. त्यामुळे राजस्थानचे सध्या 16 गुण झाले आहेत. यासह पाँइंट्स टेबलमध्ये राजस्थान अव्वल क्रमांकावर आहेत.
राजस्थानसाठी या कामगिरीमुळे प्लेऑफचा मार्ग सोपा असला, तरी अद्याप ते प्लेऑफसाठी पात्र ठरलेले नाहीत. खरंतर 16 गुणांसह बऱ्याचदा संघ प्लेऑफला पात्र ठरल्याचे दिसून येते. मात्र असे असतानाही अद्याप राजस्थान रॉयल्स अधिकृतरित्या प्लेऑफसाठी पात्र का ठरले नाहीत, असा प्रश्न अनेकांना पडला असेल.
त्यामागील कारण म्हणजे अद्याप रॉयल चॅलेंजर्स बेंगळुरू व्यतिरिक्त अन्य 8 संघही 16 गुणांपर्यंत पोहचू शकतात.
त्यामुळे एकूण गणितीय समीकरणानुसार जर राजस्थान रॉयल्स त्यांचे उर्वरित पाचही सामने पराभूत झाले आणि अन्य 8 संघांपैकी 4 संघांची त्यांच्यापेक्षा अधिक गुण मिळवले, तर राजस्थान अद्यापही प्लेऑफमधून बाहेर होऊ शकतात.
सध्या गुणतालिकेत आठव्या आणि नवव्या क्रमांकावर असलेल्या पंजाब किंग्स आणि मुंबई इंडियन्स संघाचेही 5 सामने बाकी असल्याने ते जास्तीत जास्त 16 गुणांपर्यंत पोहचू शकतात. हे दोन संघ अजून एक जरी सामना हरले, तरी त्यांना राजस्थानच्या 16 गुणांपर्यंत पोहोचता येणार नाही.
तसेच दिल्ली कॅपिटल्स आणि गुजरात टायटन्स हे दोन संघ त्यांचे उर्वरित सर्व सामने जिंकले तरी जास्तीत जास्त 18 गुणांपर्यंत पोहचू शकतात, त्याचमुळे त्यांनी जर आणखी दोन पराभव पत्करले, तर मात्र राजस्थानचा मार्ग आणखी सोपा होईल.
याशिवाय लखनौ सुपर जायंट्स आणि चेन्नई सुपर किंग्स संघांना जास्तीत जास्त 20 गुणांपर्यंत पोहचला येणार आहे. तर कोलकाता नाईट रायडर्स आणि सनरायझर्स हैदराबाद संघाला जास्तीत जास्त 22 गुण मिळवता येणार आहेत.
त्यामुळे एकूण विचार करता अद्यापतरी राजस्थानला अधिकृतरित्या प्लेऑफमधील स्थान निश्चित करण्यासाठी आणखी एक किंवा दोन विजयांची तरी गरज असणार आहे. (Rajasthan Royals Playoffs Scenario)
2 मे - विरुद्ध सनरायझर्स हैदराबाद, हैदराबाद
7 मे - विरुद्ध दिल्ली कॅपिट्लस, दिल्ली
12 मे - विरुद्ध चेन्नई सुपर किंग्स, चेन्नई
15 मे - विरुद्ध पंजाब किंग्स, गुवाहाटी
19 मे - विरुद्ध कोलकाता नाईट रायडर्स, गुवाहाटी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
