Ravindra Jadeja on MS Dhoni IPL 2023 : चेन्नई सुपर किंग्जने दिल्ली कॅपिटल्सचा 27 धावांनी पराभव केला आणि आयपीएलच्या 16 व्या आवृत्तीतून बाहेर पडण्यावर शिक्कामोर्तब केले.
या विजयासह चेन्नईचा संघ प्लेऑफच्या जवळ पोहोचला आहे. कर्णधार महेंद्रसिंग धोनी आणि रवींद्र जडेजा यांच्यात सातव्या विकेटसाठी 18 चेंडूत 48 धावांची भागीदारी झाली, ज्यामुळे चेन्नईने 8 बाद 167 धावा केल्या.
प्रत्युत्तरात दिल्लीला आठ विकेट्सवर केवळ 140 धावा करता आल्या आणि सामना गमावला. जडेजानेही 19 धावांत एक विकेट घेतली. विजयानंतर पुरस्कार सोहळ्यादरम्यान रवींद्र जडेजाला प्रश्न विचारण्यात आला त्यानंतर वातावरण मजेदार बनले.
16 चेंडूत 21 धावा करून विकेट घेणारा रवींद्र जडेजा म्हणाला, 'जेव्हा मी सातव्या क्रमांकावर फलंदाजीला येतो तेव्हा प्रेक्षक निराश होतात आणि माहीभाईच्या नावाचा जयघोष करतात. कल्पना करा की मी फलंदाजी केली तर ते माझी आऊट होण्याची वाट पाहतात.
जडेजाने बोलता बोलता त्याच्या चेहऱ्यावर हसू येत होतं. दुसरीकडे, या दणदणीत विजयानंतर कर्णधार महेंद्रसिंग धोनी समाधानी दिसला नाही आणि त्याने आपल्या फलंदाजीतील चुका मोजण्यास सुरुवात केली.
नऊ चेंडूत 20 धावा करणारा धोनी म्हणाला, “माझे काम काही चौकार आणि षटकार मारणे आहे. मी जे काही चेंडू खेळत आहे त्यात योगदान दिल्यास आनंद होतो.
दुसऱ्या हाफमध्ये चेंडू खूप टर्न घेत होता. आमच्या फिरकीपटूंनी सीमचा पुरेपूर फायदा घेतला. गोलंदाजांनी फक्त विकेट शोधू नये तर सर्वोत्तम गोलंदाजी करावी अशी माझी इच्छा होती.
पुढे धोनी म्हणाला, बॅटिंग युनिट म्हणून आम्ही आणखी चांगली कामगिरी करू शकलो असतो. असे काही शॉट्स होते जे या खेळपट्टीवर खेळायला नको होते. चांगली गोष्ट म्हणजे मोईन आणि जडेजाला फलंदाजीची संधी मिळाली. शेवटच्या टप्प्यापूर्वी प्रत्येकाने फलंदाजीचा सराव केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
