IPL 2023 GT vs KKR Live : गुजरात टायटन्सने विजयासाठी ठेवलेल्या 205 धावांचा पाठलाग करताना केकेआरने झुंजार खेळ करत सामना शेवटच्या चेंडूपर्यंत नेला. केकेआरचा डावखुरा फलंदाज रिंकू सिंहने शेवटच्या षटकात विजयासाठी 29 धावांची गरज होती त्यावेळी सलग पाच षटकार मारत सामना जिंकून दिला. रिंकूने 21 चेंडूत नाबाद 48 धावा चोपल्या. तर व्यंकटेश अय्यरने देखील 82 धावांची झुंजार खेळी केली.
मात्र त्यानंतर गुजरातचा काळजीवाहू कर्णधार राशिद खानने रसेल, नरेन आणि ठाकूरला बाद करत हॅट्ट्रिक घेत केकेआरला बॅकफूटला ढकलले. सामना हातचा गेला असे वाटत असतानाच रिंकू सिंहने शेवटच्या षटकात वादळी खेळी करत गुजरातच्या तोंडातून विजयी घास हिसकावून घेतला.
गुजरातचे 205 धावांचे आव्हान घेऊन मैदानात उतरलेल्या कोलकाता नाईट रायडर्सची सुरूवात खराब झाली. रेहमनुल्ला गुरबाज 15 तर एस जगदीशन 5 धावांची भर घालून परतला. मात्र त्यानंतर व्यंकटेश अय्यर आणि कर्णधार नितीश राणा यांनी केकेआरचा डाव सावरत संघाला 10 षटकात 86 धावांपर्यंत पोहचवले.
अर्धशतकानंतर अय्यरने आपल्या आक्रमकतेची धार अजूनच वाढवली. त्याने 40 चेंडूत 83 धावांची दमदार खेळी केली. त्याला साथ देणारा नितीश राणा 29 चेंडूत 45 धावा करून बाद झाला. मात्र अय्यरने संघाला 150 धावांचा टप्पा ओलांडून दिला.
अय्यरने गुजरातचा बीपी वाढवला होता. मात्र नितीश राणाला बाद करणाऱ्या अल्झारी जोसेफने अय्यरचा अडसर दूर केला. पाठोपाठ कर्णधार राशिद खानने 17 व्या षटकात पहिल्या चेंडूवर आंद्रे रसेल, दुसऱ्या चेंडूवर सुनिल नरेन आणि तिसऱ्या चेंडूवर शार्दुल ठाकूरला बाद करत हॅट्ट्रिकसह केकेआरचे पॉवर हाऊस निकामी केले.
राशिदच्या या स्पेलमुळे केकेआरची सामन्यावरील पकड निसटली. मात्र शेवटच्या षटकात रिंकू सिंहने झुंजार वृत्ती दाखवत 29 धावांची गरज असताना यश दयालच्या शेवटच्या षटकात सलग तीन षटकार ठोकत राशिदचे टेन्शन वाढवले. केकेआरला विजयासाठी 2 चेंडूत 10 धावांची गरज असताना रिंकूने शेवटच्या दोन्ही चेंडूवर यश दयालला दोन षटकार ठोकून सामना जिंकून दिला.
तत्पूर्वी, गुजरात टायटन्सने कोलकाता नाईट रायडर्सविरूद्ध नाणेफेक जिंकून प्रथम फलंदाजी करण्याचा निर्णय घेतला. हार्दिक पांड्याच्या अनुपस्थितीत संघाचे नेतृत्व करणाऱ्या राशिद खानचा हा निर्णय गुजरातच्या फलंदाजांनी योग्य ठरवला.
मधल्या फळीतील डावखुरा फलंदाज साई सुदर्शनने 38 चेंडूत 53 धावा ठोकल्या. तर विजय शंकरने स्लॉग ओव्हरमध्ये धडाकेबाज फलंदाजी करत 21 चेंडूत अर्धशतक ठोकण्याची किमया केली. त्याने 24 चेंडूत केलेल्या नाबाद 63 धावांच्या जोरावर गुजरातने 20 षटकात 4 बाद 204 धावा केल्या. या खेळीत विजय शंकरने 5 षटकार आणि 4 चौकार मारले.
हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
