Rishabh Pant Delhi Capitals Punished : दिल्ली कॅपिटल्सचा कर्णधार ऋषभ पंतसाठी आयपीएल 2024 मधील टेन्शन कमी काय होत नाही. दिल्ली कॅपिटल्स संघ या हंगामात आतापर्यंत 4 पैकी फक्त 1 सामना जिंकला आहे आणि 3 सामन्यात पराभवाचा सामना करावा लागला आहे.
कोलकाता नाईट रायडर्सविरुद्ध झालेल्या सामन्यात संघाने अतिशय लाजिरवाणी कामगिरी केली. या सामन्यात दिल्लीचा 106 धावांनी पराभव झाला. त्याचबरोबर आता बीसीसीआयनेही पंतवर मोठी कारवाई केली आहे.
स्लो ओव्हर रेटमुळे बीसीसीआयने ऋषभ पंतवर कारवाई केली आहे. या मोसमात ऋषभ पंतला स्लो ओव्हर रेटमुळे दंड ठोठावण्याची ही दुसरी वेळ आहे. यामुळे बीसीसीआयने त्याच्यावर 24 लाखांचा दंड ठोठावला आहे.
त्याचवेळी, मागील सामन्यात ऋषभ पंतवर 12 लाखांचा दंड ठोठावण्यात आला होता. पंतच्या नेतृत्वाखाली दिल्लीला या दोन्ही सामन्यांमध्ये नियमित वेळेत 20 षटकेही पूर्ण करता आली नाहीत. त्याचवेळी, यावेळी पंतसह संघातील इतर खेळाडूंनाही 6 लाख रुपये किंवा मॅच फीच्या 25% दंड ठोठावण्यात आला आहे.
स्लो ओव्हर रेटच्या नियमांनुसार, ही चूक पहिल्याच झाल्यास कर्णधाराला केवळ 12 लाख रुपयांचा दंड आकारला जातो. तर दुसऱ्यांदा ही चूक झाल्यास कर्णधाराला 24 लाखांचा दंड ठोठावण्यात आला आहे. संघातील इतर खेळाडूंनाही 6 लाख रुपये किंवा मॅच फीच्या 25% दंड ठोठावण्यात आला आहे.
तिसऱ्यांदा ही चूक केल्यावर कर्णधारावर 30 लाख रुपयांसह एका सामन्याची बंदी घालण्यात येते, यासोबतच संघातील उर्वरित खेळाडूंना प्रत्येकी 12 लाख रुपये किंवा 50 टक्के दंड आकारण्यात येतो. अशा परिस्थितीत पंतने या हंगामात दोनदा ही चूक केली आहे, जर तो आणखी एकदा स्लो ओव्हर रेटमध्ये पकडला गेला तर त्याच्यावर 1 सामन्याची बंदी घातली जाऊ शकते.
कोलकाता नाईट रायडर्सविरुद्ध झालेल्या सामन्यात दिल्ली संघाला अत्यंत वाईट पराभवाला सामोरे जावे लागले. या सामन्यात दिल्लीने प्रथम गोलंदाजी करताना 20 षटकांत 272 धावा दिल्या. आयपीएलमधील कोणत्याही संघाविरुद्धची ही दुसरी सर्वोच्च धावसंख्या आहे. त्याचवेळी या लक्ष्याला प्रत्युत्तर देताना दिल्लीचे फलंदाजही फ्लॉप ठरले. दिल्लीचा संघ केवळ 166 धावांवर ऑलआऊट झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
