Rishabh Pant IPL 2023 : ऋषभ पंत दुखापतीमुळे इंडियन प्रीमियर लीग 2023 मध्ये खेळु शकला नाही. त्यामुळे दिल्ली कॅपिटल्सने त्याच्या जागी डेव्हिड वॉर्नरला कर्णधार बनवण्यात आले. त्याचबरोबर पंतच्या अनुपस्थितीनंतरही संघ व्यवस्थापनाला त्याची उणीव भासत आहे. यासाठी संघ व्यवस्थापनाने निर्णय घेतला होता की पंतची जर्सी नेहमी डग आऊटमध्ये लटकत ठेवली जाईल. पण आता दिल्ली कॅपिटल्स व्यवस्थापनाच्या या निर्णयावर बीसीसीआय नाराज आहे.
पीटीआयच्या रिपोर्टनुसार, बीसीसीआय या निर्णयावर खूश नाही. बीसीसीआयच्या एका अधिकाऱ्याने या प्रकरणी म्हटले आहे की, 'हे थोडेसे जास्त होत आहे, जेव्हा एखादी मोठी घटना किंवा मोठी दुर्घटना घडली असेल किंवा एखादा खेळाडू निवृत्त झाला असेल तेव्हा अशा प्रकारचे हावभाव केले जातात.
या प्रकरणात असे नाही ऋषभ पूर्णपणे ठीक आहे. अपेक्षेपेक्षा वेगाने दुखापतीतून बाहेर पडत आहे. हे उदात्त हेतूने केले जात असताना, बीसीसीआयने फ्रँचायझींना नम्रपणे भविष्यात असे हातवारे करू नयेत असे सांगितले आहे.
आयपीएल 2023 मधील त्यांच्या पहिल्या सामन्यात दिल्ली कॅपिटल्सने लखनऊविरुद्धच्या सामन्यादरम्यान ऋषभ पंतला आठवण म्हणून डगआउटमध्ये त्यांची 17 क्रमांकाची जर्सी टांगली होती. दिल्ली व्यवस्थापनाचा हा हावभाव चाहत्यांना आवडला असला तरी आता बीसीसीआयने दिल्ली कॅपिटल्स व्यवस्थापनाला असे न करण्याचे निर्देश दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
