Rishabh Pant : अपघातानंतर पंत पहिल्यांदाच NCAमध्ये, चाहत्यांना लागली उत्सुकता किती दिवसात परतणार?

Rishabh Pant : एकीकडे भारतात आयपीएल 2023 ची चर्चा आहे, तर दुसरीकडे यष्टीरक्षक फलंदाज ऋषभ पंतकडून एक महत्त्वपूर्ण अपडेट समोर आले आहे. रस्ता अपघातात बळी पडल्यानंतर क्रिकेटपासून दूर असलेला पंत सध्या बंगळुरूमध्ये आहे. जेथे राष्ट्रीय क्रिकेट अकादमीमध्ये त्याच्या पुनर्वसनाची प्रक्रिया सुरू करण्यात आली आहे. पंतने स्वतः ही माहिती चाहत्यांना दिली. ऋषभ पंत गेल्या काही काळापासून दिल्ली कॅपिटल्स कॅम्पमध्ये सतत दिसत आहे.

ऋषभ पंत कधी परतणार हे अद्याप स्पष्ट झालेले नाही. आगामी आशिया चषक आणि भारतात होणाऱ्या 50 षटकांच्या विश्वचषक स्पर्धेत खेळणार नसल्याचे मानले जात आहे. गेल्या वर्षाच्या अखेरीस ऋषभ पंत दिल्लीहून रुरकी येथील त्याच्या घरी जात असताना एका रस्त्यावर अपघात झाला होता. मध्यरात्री गाडी चालवताना झोप लागल्याने हा अपघात झाल्याचे सांगण्यात येत आहे.

तेव्हापासून ऋषभ पंतवर उपचार सुरू आहेत. त्यांच्यावर सुरुवातीला डेहराडून आणि नंतर मुंबईत उपचार करण्यात आले. आता पंतने राष्ट्रीय क्रिकेट अकादमीत पुनर्वसनाची प्रक्रिया सुरू केली आहे. ऋषभने त्याच्या अधिकृत इंस्टाग्राम हँडलवरून एक स्टोरी शेअर केली आहे. टीम इंडियाला टेस्ट फॉरमॅटमध्ये ऋषभ पंतची उणीव भासत आहे. ऑस्ट्रेलियाविरुद्धच्या बॉर्डर-गावसकर ट्रॉफीदरम्यान केएस भरत त्याच्या जागी खेळला आणि फ्लॉप झाला. अशा स्थितीत वर्ल्ड टेस्ट चॅम्पियनशिपच्या फायनलबाबत संघ व्यवस्थापन खूपच चिंतेत आहे.