IPL Auction 2024 : लिलावात ऋषभ पंत देखील लावणार खेळाडूंवर बोली, म्हणाला "लहानपणीचे स्वप्न.. "

IPL Auction 2024 Rishabh Pant : भारतीय संघाचा स्टार यष्टीरक्षक फलंदाज आणि दिल्ली कॅपिटल्सचा कर्णधार ऋषभ पंत यावेळी लिलावात एका वेगळ्या भूमिकेत दिसणार आहे. ऋषभ पंत स्वतः दिल्ली कॅपिटल्सच्या लिलावाच्या टेबलावर बसून खेळाडूंवर सट्टा लावणार आहे. या भूमिकेत दिसणारा तो सर्वात तरुण भारतीय क्रिकेटपटू आहे. सहसा खेळाडू निवृत्तीनंतर या भूमिकेत दिसतात.

ऋषभ पंत 2022 च्या अखेरीस रस्ता अपघातात बळी ठरला होता. या अपघातात त्यांला गंभीर दुखापत झाली होती, अपघातानंतर पंतवर अनेक शस्त्रक्रिया कराव्या लागल्या. त्याच्या पायाला गंभीर दुखापत झाली आणि त्याला बरे होण्यासाठी बराच वेळ लागला. मात्र, शस्त्रक्रियेनंतर तो झपाट्याने बरा झाला असून तो लवकरच मैदानात खेळताना दिसु शकतो.

सध्या ऋषभ पंत जिममध्ये घाम गाळत आहे आणि कसरती करून दीर्घकाळ विकेटकीपिंग आणि फलंदाजीसाठी स्वत:ला तयार करत आहे. दरम्यान, दिल्ली कॅपिटल्सने त्याला नवी भूमिका दिली आहे. लिलावादरम्यान तो संघाच्या टेबलवर असेल. पंत स्वत: खेळाडूंवर बोली लावणार आहे आणि आयपीएल सामन्यांदरम्यान कर्णधार करताना त्याच खेळाडूंसोबत मैदानावरही दिसणार आहे.

लिलावातील आपल्या नव्या भूमिकेबाबत तो म्हणाला की, लहानपणापासूनच त्याची इच्छा होती की, आयपीएलमधील एखाद्या संघासाठी काही भूमिकेत योगदान दिले तर बरे होईल. आणि आता हे स्वप्न पूर्ण झाल्यामुळे मी खूप आनंदी आहे.

मैदानात परत येण्याबाबत तो म्हणाला की, ते खूप अवघड होते. सुरुवातीला खूप वेदना सहन कराव्या लागल्या, पण हळूहळू गोष्टी सोप्या झाल्या आणि आता लवकर मी मैदानात येईल.