Royal Challengers Bangalore vs Gujarat Titans : विराट कोहलीच्या झंजावाती शतकामुळे आरसीबीने 198 धावांचा डोंगर उभारला मात्र शुभमन गिलच्या 52 चेंडूत ठोकलेल्या 104 धावांच्या शतकी खेळीमुळे गुजरातने हा डोंगर पार केले. मात्र गुजरातच्या या धडाकेबाज विजयाचा आनंदोत्सव हा मुंबईत साजरा केला जाणार आहे. कारण मुंबईने प्ले ऑफचे तिकीट शुभमन गिलच्या शतकी खेळीमुळे पक्के केले.
शुभमन गिल आणि विजय शंकर यांना दुसऱ्या विकेटसाठी 123 धावांची दमदार भागीदारी रचली. विजय शंकर 35 चेंडूत 53 धावा करून बाद झाला. त्यावेळी गुजरात 15 व्या षटकात 148 धावांपर्यंत पोहचला होता.
मात्र यानंतर आरसीबीने दसुन शानका आणि डेव्हिड मिलर यांना अनुक्रमे शुन्य आणि सहा धावांवर बाद केले. यामुळे गुजरातसकट मुंबईचाही बीपी वाढला होता. मात्र दुसऱ्या बाजूने धडाकेबाज फलंदाजी करणाऱ्या शुभमन गिलने षटकार आणि चौकारांची बरसात केली.
गिल आपल्या शतकाच्या जवळ पोहचला होता. मात्र सामनाही बॉल टू रन आला होता. गुजरातला सामना जिंकण्यासाठी 6 चेंडूत 8 धावांची गरज होती. शेवटचे षटक टाकणाऱ्या वेन पार्नेलने पहिला नो बॉल त्यानंतर वाईड बॉल टाकून गुजरात आणि मुंबईची मदतच केली. अखेर फ्री हिटवर शुभमन गिलने षटकार ठोकत आपले शतक, गुजरातचा विजय आणि मुंबईचे प्ले ऑफचे तिकीट फायनल केले.
आरसीबीने ठेवलेल्या 198 धावांच्या आव्हानाचा पाठलाग करताना गुजरातचा पॉवर प्लेमध्ये पहिला धक्का बसला. सलामीवीर वृद्धीमान साहा 12 धावांवर बाद झाला. त्याला मोहम्मद सिराजने बाद केला.
मात्र त्यानंतर सलामीवीर शुभमन गिल आणि विजय शंकर यांनी आरसीबीच्या गोलंदाजांना चोपण्यास सुरूवात केली.
विराट कोहली आक्रमक फटकेबाजी करत चौकारांची बरसात करत होता. त्याला साथ देण्याासाठी आलेल्या अनुज रावतने 13 चेंडूत नाबाद 23 धावा केल्या दरम्यान विराट कोहलीने 13 चौकार 1 षटकार मारत 61 चेंडूत नाबाद 101 धावा चोपल्या. अखेर अनुज आणि विराटने सहाव्या विकेटसाठी 64 धावांची भागीदारी रचत आरसीबीला 20 षटकात 197 धावांपर्यंत पोहचवले.
आरसीबीची अवस्था 3 बाद 85 धावा अशी झाल्यानंतर विराटने मायकल ब्रेसवेलसोबत चौथ्या विकेटसाठी मोठी भागीदारी रचली. ब्रेसवेलनेही 16 चेंडूत 26 धावा चोपत 47 धावात आपला वाटा उचलला. मात्र ही जोडी शमीने फोडली. पाठोपाठ यश दयालने दिनेश कार्तिकला शुन्यावर बाद केले.
गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला. पावसाच्या व्यत्ययानंतर सुरू झालेल्या सामन्यात आरसीबीने पॉवर प्लेच्या पहिल्या काही षटकांमध्ये अडखळती सुरूवात केली. मात्र त्यानंतर विराट कोहली आणि फाफ ड्युप्लेसिस यांनी धावाची गती वाढवली. त्यांनी 6 षटकात 60 धावा केल्या. मात्र पॉवर प्लेनंतर फाफ ड्युप्लेसिस 28 धावा करून बाद झाला.
पावसाच्या लपंडावात अखेर आरसीबीसाठी अत्यंत महत्वाचा असलेला सामना सुरू झाला.
नाणेफेक झाल्या झाल्या पुन्हा एकदा बंगळुरूमध्ये पावसाला सुरूवात झाली आहे. मात्र या पावसाच्या हलक्या सरी आहे. तरी देखील खेळपट्टीवर कव्हर पुन्हा एकदा घालण्यात आले आहे.
जरी आरसीबी - गुजरात सामन्यापूर्वी तुफान पाऊस पडला, नाणेफेकीस विलंब झाला तरी सामना 8.30 पूर्वी सुरू होणार असल्याने तो पूर्ण 20 - 20 षटकांचा होईल.
हार्दिक पांड्याने नाणेफेक जिंकून प्रथम गोलंदाजी करण्याचा निर्णय घेतला आहे.
आरसीबी विरूद्ध गुजरात सामन्यात पावसाने व्यत्यय आणल्याने नाणेफेकीस उशीर झाला आहे. मात्र आता पाऊस थांबल्याने थोड्याच वेळात नाणेफेक होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.