RR vs RCB IPL 2023 : रॉयल चॅलेंजर बेंगलोगच्या 172 धावांचा पाठलाग करताना राजस्थान रॉयल्स झुंजार खेळ खरेल अशी अपेक्षा होती. मात्र डावाच्या पहिल्या षटकापासूनच राजस्थानच्या फलंदाजीला ग्रहण लागले. हे ग्रहण अखेर 10 व्या षटकात 112 धावांच्या पराभवानंतरच सुटले. आरसीबीच्या गोलंदाजांनी धडाकेबाज कामगिरी करत राजस्थानचा संपूर्ण संघ 59 धावात पॅव्हेलियनमध्ये धाडला. आरसीबीकडून वेन पार्नेलने सर्वाधिक 3 बळी टिपले. त्याला ब्रेसवेल, कर्ण शर्मा यांनी प्रत्येकी 2 तर मोहम्मद सिराज आणि ग्लेन मॅक्सवेलने प्रत्येकी 2 विकेट घेत चांगली साथ दिली. राजस्थानकडून हेटमायरने 19 चेंडूत 35 धावा केल्या.
करो या मरो सामन्यात आरसीबीने नाणेफेक जिंकून प्रथम फलंदाजी करण्याचा निर्णय घेतला. मात्र सावध सुरूवातीनंतर राजस्थानच्या फिरकीने आरसीबीच्या फलंदाजीला खिंडार पाडण्यास सुरूवात केली. आरसीबीची अवस्था 18 व्या षटकात 5 बाद 137 धावा अशी झाली असताना अर्जुन रावतने आपला दांडपट्टा सुरू करत 11 चेंडूत 29 धावा ठोकल्या. त्याच्या या आक्रमक खेळीमुळे आरसीबीने 171 धावांपर्यंत मजल मारली. आरसीबीकडून कर्णधार फाफ ड्युप्लेसिसने 55 तर ग्लेन मॅक्सवेलने 54 धावांची अर्धशतकी खेळी केली. राजस्थानकडून केएम आसिफ आणि अॅडम झाम्पाने प्रत्येकी 2 विकेट्स घेतल्या.
पहिल्या दोन षटकातच तीन फलंदाज बाद झाल्यानंतर जो रूट आणि देवदत्त पडिक्कल यांनी राजस्थानचा डाव सावरण्याचा प्रयत्न केला. मात्र ब्रेसवेलने पडिक्कलला 4 धावांवर तर वेन पार्नेलने जो रूटला 10 धावांवर बाद केले. यानंतर ब्रेसवेलने ध्रुव जुरेलला बाद करत राजस्थानची अवस्था 7 षटकात 6 बाद 31 धावा अशी केली.
यानंतर हेटमायरने काही आक्रमक फटके मारत राजस्थानला अर्धशतक पूर्ण करून दिले. मात्र त्याला साथ देणारा आर. अश्विन एक चोरटी धाव घेण्याच्या नादात शुन्यावर बाद झाला. यानंतर हेटमायरची देखील 19 चेंडूत 35 धावांचे केलेली झुंजार खेळी संपुष्टात आली. अखेर आरसीबीने राजस्थानचा संपूर्ण संघ 10 . 3 षटकात 59 धावात पॅव्हेलियनमध्ये धाडला. आरसीबीने 112 धावांनी सामना जिंकत आपले प्ले ऑफची आशा जिवंत ठेवली.
आरसीबीने 172 धावांचे आव्हान ठेवल्यानंतर राजस्थान हे आव्हान पार करण्यासाठी मैदानावर उतरला. मात्र डावाच्या दुसऱ्याच चेंडूवर राजस्थानला मोठा धक्का बसला. त्यांचा स्टार सलामीवीर यशस्वी जैसवालला मोहम्मद सिराजने शुन्यावर बाद केले. यानंतर पुढच्याच षटकात वेन पार्नेलने जॉस बटलरला देखील शुन्यावरच बाद करत राजस्थानचे दोन्ही धडाकेबाज सलामीवीर माघारी धाडले. या धक्क्यातून सावरतो न सावरतो तोच संघाचा कर्णधार संजू सॅमसन पार्नेलच्या याच षटकाच्या चौथ्या चेंडूवर 4 धावांवर बाद झाला.
मॅक्सेवेल बाद झाला त्यावेळी त्यावेळी डावातील फक्त काहीच षटके शिल्लक होती. या षटकात अर्जुन रावतने अखेरचा दांडपट्टा फिरवला. अर्जुन रावतने 11 चेंडूत नाबाद 29 धावा केल्या तर ब्रेसवेलने 9 चेंडूत 9 धावा करत आरसीबीला 20 षटकात 5 बाद 171 धावांपर्यंत मजल मारून दिली.
आरसीबीने अवघ्या 1 धावेत 3 फलंदाज गमावल्यानंतर ग्लेन मॅक्सवेलने संघाला आधार दिला. त्याने 32 चेंडूत आपले अर्धशतक पूर्ण केले. मात्र संदीप शर्माने मॅक्सवेलची ही अर्धशतकी खेळी 18 व्या षटकात संपवली. त्याने 56 धावांवर मॅक्सवेलचा त्रिपळा उडवत आरसीबीला पाचवा धक्का दिला.
ड्युप्लेसिस 55 धावांवर बाद झाला त्यावेळी आरसीबीच्या 14.5 षटकात 2 बाद 119 धावा झाल्या होत्या. मॅक्सवेलने 40 धावा करून एक बाजू लावून धरली होती. मात्र राजस्थानने आरसीबीला पाठोपाठ धक्के देण्यास सुरूवात केली. झाम्पाने महिपाल रोमरोरला 1 धावेवर बाद केले. त्यानंतर याच षटकात झाम्पाने दिनेश कार्तिकला शुन्यावर बाद करत आरसीबीची अवस्था 2 बाद 119 धावांवरून 4 बाद 120 धावा अशी केली.
पॉवर प्लेनंतर आरसीबीने लगेच आपले अर्धशतक पूर्ण केले. मात्र त्यानंतर आसिफने विराट कोहलीला 18 धावांवर बाद केले. विराट कोहली बाद झाल्यानंतर आलेल्या ग्लेन मॅक्सवेल आणि कर्णधार फाफ ड्युप्लेसिसने 69 धावांची भागीदारी रचली. ड्युप्लेसिसने हंगामातील आपले सातवे अर्धशतक ठोकले. मात्र केएम आसिफनेच ड्युप्लेसिसला देखील 55 धावांवर बाद करत आरसीबीला मोठा धक्का दिला.
रॉयल चॅलेंजर बेंगलोरने नाणेफेक जिंकून प्रथम फलंदाजी करण्याचा निर्णय घेतला. सलामीवीर विराट कोहली आणि फाफ ड्युप्लेसिस यांनी सावध सुरूवात करत 6 षटकात 42 धावांपर्यंत मजल मारली. विराट कोहली बॉल टू रन पद्धतीने खेळत होता. तर फाफा ड्युप्लेसिसने 19 चेंडूत 23 धावा केल्या होत्या.
रॉयल चॅलेंजर्स बंगळुरूचा (RCB) कर्णधार फाफ डुप्लेसिसने राजस्थान रॉयल्सविरुद्ध नाणेफेक जिंकली. त्यांनी प्रथम फलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.