Virat Kohli IPL 2023 : विराट कोहली आयपीएलच्या 16 व्या हंगामात जबरदस्त फॉर्ममध्ये आहे. त्याने पहिल्या सहा सामन्यातच 4 अर्धशतके ठोकली आहेत. तो सध्या ऑरेंज कॅपच्या शर्यतीत तिसऱ्या क्रमांकावर आहे. विशेष म्हणजे गेल्या सामन्यात तो पुन्हा आरसीबीचा कर्णधार झाला होता. आजच्या राजस्थानविरूद्धच्या सामन्यात देखील तो संघाचे नेतृत्व करतोय. मात्र आजच्या सामन्यात त्याला ट्रेंट बोल्टने आल्या पावली माघारी धाडले. सामन्याच्या पहिल्याच चेंडूवर विराट कोहली शुन्यावर पायचीत झाला.
राजस्थान रॉयल्सच्या बोल्टविरूद्ध पॉवर प्लेमध्ये धावा करणे तितके सोपे नसते. त्याने या हंगामात दोनदा पहिल्या षटकाच्या पहिल्या चेंडूवर विकेट मिळवली आहे. विराट देखील बोल्टचा इन स्विंग ओळखण्यात चुकला आणि चेंडू थेट पॅडवर आदळला. अंपायरने देखील लगेच बोट दाखवत विराटला पॅव्हेलियनची वाट धरायला लावली.
विशेष म्हणजे 23 एप्रिल हा दिवस विराट कोहलीसाठी खास लकी नाही. आयपीएलमध्ये या दिवशीचे विराटचे रेकॉर्ड खराब आहे. हा दिवस बरोबर सचिन तेंडुलकरच्या वाढदिवसादिवशीचा आदला दिवस येतो. विराट कोहली 2012 मध्ये राजस्थानविरूद्ध झालेल्या 23 एप्रिलच्या सामन्यात 16 चेंडूत 16 धावा करून बाद झाला होता. तर 2013 मध्ये पुणे वॉरियर्सविरूद्ध 9 चेंडूत 11 धावा करून बाद झाला.
2017 मध्ये केकेआरविरूद्ध विराट आणि 2022 मध्ये हैदराबादविरूद्ध विराट कोहली 23 एप्रिललाच शुन्यावर बाद झाला होता. आता तिसऱ्यांदा विराट कोहली 23 एप्रिलला शुन्यावर बाद झाला आहे.
हेही वाचा : संतुलित आहारातून रोखा फॅटी लिव्हरचा आजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
