Virat Kohli RCB IPL 2024 : रविवारी सकाळी मुंबईत दाखल झालेल्या विराट कोहलीने बंगळूर गाठले आणि लगेचच आयपीएलसाठी आपल्या बंगळूर चॅलेंजर्स संघासोबत सरावही सुरू केला. बंगळूर आणि गतविजेते चेन्नई यांच्यातील येत्या शुक्रवारी होणाऱ्या सामन्यातून आयपीएलची सुरुवात होत आहे. ट्रेनिंग सेशनमध्ये किंग कोहली नवा अवतार दिसला.
विराट कोहलीचा सरावाच्या पहिल्या दिवशी भर वॉर्मअपवर होता. तो कर्णधार फाफ डुप्लेसीबरोबर चर्चा करताना दिसत होता. त्यानंतर त्याने फलंदाजी सराव न करता. वॉर्मअपमध्ये तो ग्लेन मॅक्सवेलसह फुटबॉल खेळला. दोन दिवसांच्या सरावानंतर बंगळूरचा संघ चेन्नईस रवाना होईल.
विराट कोहली भारतीय संघातील प्रमुख खेळाडू असला तरी आयपीएल संपल्यानंतर लगेचच होणाऱ्या ट्वेन्टी-२० विश्वकरंडक स्पर्धेसाठी कोहलीच्या कामगिरीवर अधिक लक्ष असणार आहे. विराट कोहलीला या विश्वकरंडक स्पर्धेतून वगळले जाऊ शकते, असे वृत्त काही दिवसांपूर्वी प्रसिद्ध झाले आहे.
२०२२ मध्ये ऑस्ट्रेलियात झालेल्या ट्वेन्टी-२० विश्वकरंडक स्पर्धेनंतर विराट कोहली टी-२० प्रकारापासून दूर होता; परंतु जानेवारी महिन्यात अफगाणिस्तानविरुद्धच्या मालिकेतील अखेरच्या सामन्यात तो खेळला होता.
ट्वेन्टी-२० विश्वकरंडक स्पर्धेत रोहित शर्मा भारताचे नेतृत्व करेल, असे बीसीसीआय सचिव जय शहा यांनी जाहीर केलेले आहे. त्यामुळे विराट कोहलीही त्या संघाचा भाग असेल.
महिला आयपीएलमध्ये बंगळूरच्या संघाने रविवारी झालेल्या अंतिम सामन्यात दिल्लीचा पराभव करून विजेतेपद मिळवले. त्यानंतर विराटने व्हिडीओ कॉल करून आपल्या महिला संघाचा आनंद द्विगुणीत केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
