Ind vs Wi 2nd Test Ishan Kishan maiden Test Fifty : पोर्ट ऑफ स्पेन येथे खेळल्या जात असलेल्या दुसऱ्या कसोटी सामन्यात भारताने वेस्ट इंडिजला विजयासाठी 365 धावांचे लक्ष्य दिले आहे. याचा पाठलाग करताना कॅरेबियन संघानेही चौथ्या दिवसाचा खेळ संपला तेव्हा दोन गडी गमावून 76 धावा केल्या होत्या.
शेवटच्या दिवशी वेस्ट इंडिजला विजयासाठी 289 धावांची गरज आहे आणि भारताला मालिका जिंकण्यासाठी आणखी 8 विकेट्सची गरज आहे. चौथ्या दिवशी भारताने इंग्लंडचे बेसबॉल क्रिकेट खेळले.
विशेषत: कर्णधार रोहित शर्मा आणि यष्टीरक्षक फलंदाज इशान किशन यांनी कसोटीत टी-20 सारखी फलंदाजी केली. रोहितने कसोटी कारकिर्दीतील सर्वात वेगवान अर्धशतक ठोकले. त्याने अवघ्या 35 चेंडूत 50 धावा पूर्ण केल्या.
इशान किशनने पहिल्या कसोटी पहिल्या डावात खाते उघडण्यासाठी 20 चेंडू खेळले आणि त्याची एक धाव पूर्ण होताच कर्णधार रोहित शर्माने डाव घोषित केला. पहिल्या कसोटीत संथ फलंदाजीसाठी इशानला कर्णधाराकडून फटकारावे लागले होते, मात्र दुसऱ्या कसोटीत इशानने 33 चेंडूत अर्धशतक ठोकून पहिल्या कसोटीचे टास्क पूर्ण केले.
या खेळीदरम्यान इशानने दुखापतीमुळे संघाबाहेर असलेला यष्टीरक्षक फलंदाज ऋषभ पंतची आठवण करून दिली. तो ज्या बॅटने फलंदाजी करत होता त्यावर 'RP 17' असे लिहिले होते. हे ऋषभ पंतचे नाव आणि त्याचा जर्सी क्रमांक आहे. ऋषभ स्वतः या बॅटने खेळतो आणि आता इशाननेही ही बॅट धरली आणि ती त्याच्यासाठी भाग्यवान ठरली आणि कसोटी क्रिकेटमधील अर्धशतकांचे खाते उघडले.
ऋषभ पंतप्रमाणेच इशाननेही आक्रमक फलंदाजी केली आणि संघाच्या अपेक्षा पूर्ण केल्या. पंतप्रमाणेच त्याने एका हाताने षटकार मारून पन्नास धावा पूर्ण केल्या. पुढच्या चेंडूवर 2 धावा पूर्ण करताच कर्णधार रोहितने डाव घोषित केला. इशानच्या या खेळीवर ट्विटरवर अनेक प्रतिक्रिया आल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
