Shikhar Dhawan Future in Team India : बांगलादेशविरुद्धच्या तिसऱ्या एकदिवसीय सामन्यात द्विशतक झळकावल्यानंतर सलामीवीर म्हणून इशान किशन एक मजबूत पर्याय म्हणून समोर आला आहे. यष्टिरक्षक-ओपनर इशान किशनने 131 चेंडूत 210 धावा करून खळबळ उडवून दिली. इशान किशनच्या किलर इनिंगमध्ये 24 चौकार आणि 10 षटकारांचा समावेश होता. एकदिवसीय आंतरराष्ट्रीय क्रिकेटमध्ये सर्वात जलद द्विशतक झळकावणारा इशान किशन जगातील पहिला खेळाडू ठरला आहे. त्यामुळे आता अनुभवी सलामीवीर शिखर धवनच्या भविष्याची चर्चा रंगली आहे.
धवनने त्याच्या शेवटच्या नऊ पैकी आठ एकदिवसीय सामन्यांमध्ये वाईटरित्या कामगिरी केला आहे. दिल्लीचा डावखुरा फलंदाज पॉवर प्ले ओव्हर्समध्ये संथ फलंदाजी करत आहे जो संघासाठी हानिकारक ठरत आहे. टी-20 च्या जमान्यात शुभमन गिल आणि इशान किशन यांच्या आक्रमक फलंदाजीसमोर धवन फिका पडताना दिसत आहे. बांगलादेशमधील एकदिवसीय मालिका गमावल्यानंतर बीसीसीआय संघाच्या कामगिरीची आढावा बैठक घेणार आहे. हे मुख्य प्रशिक्षक द्रविड आणि एनसीए प्रमुख व्हीव्हीएस लक्ष्मण यांच्याशी भविष्यातील रोडमॅपवर चर्चा करेल.
बीसीसीआयच्या एका वरिष्ठ सूत्राने गोपनीयतेच्या अटीवर पीटीआयला सांगितले की, नवीन निवड समितीच्या स्थापनेनंतरच शिखरच्या भवितव्याबाबत निर्णय घेतला जाणार आहे. मात्र या प्रकरणी मुख्य प्रशिक्षक राहुल द्रविड आणि कर्णधार रोहित शर्मा यांच्या मताकडे दुर्लक्ष करता येणार नाही. धवनची सर्वात मोठी अडचण म्हणजे त्याला डावाच्या सुरुवातीला वेगवान धावा करता येत नाहीत. 2019 विश्वचषकापूर्वी त्याचा स्ट्राइक रेट 100 पेक्षा जास्त होता तर 2022 मध्ये त्याचा स्ट्राइक रेट 75 आहे.
इशान किशनचे द्विशतक आणि महत्त्वाचे म्हणजे त्याने संघाला आवश्यक ती आक्रमक वृत्ती दिली. त्याच्या खेळीनंतर संघ व्यवस्थापनाला निवडीच्या बाबींचा विचार करण्यास भाग पाडले जाईल.
यादरम्यान, भारताचा दिग्गज यष्टीरक्षक फलंदाज दिनेश कार्तिकने इशान किशनबाबत खळबळजनक विधान केले आहे. दिनेश कार्तिक म्हणतो की, इशान किशनने एकदिवसीय क्रिकेटमध्ये हे द्विशतक झळकावून टीम इंडियाच्या एका मोठ्या स्टार क्रिकेटरची कारकीर्द संपवली आहे. कार्तिकच्या म्हणण्यानुसार, इशान किशनने एकदिवसीय क्रिकेटमधील पहिले द्विशतक झळकावून अनुभवी सलामीवीर शिखर धवनच्या वनडे करिअरचा शेवट केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
