डेव्हिड बेकहम (David Beckham) हा मँचेस्टर युनायटेडचा स्टार खेळाडू होता. मात्र बेकहमनंतर मँचेस्टरला त्याच्यासारखा फुटबॉल खेळाडू अजूनपर्यंत मिळाला नव्हता. मात्र आता ही प्रतिक्षा संपण्याची चिन्हे दिसत आहेत. सध्या लोनवर नॉटिंगहॅम फॉरेस्टकडून खेळणाऱ्या जेम्स गारनेर (James Garner) या 20 वर्षाच्या मिडफिल्डरकडे मँचेस्टर युनायटेडचा (Manchester United) पुढचा डेव्हिड बेकहम म्हणून पाहिले जात आहे.
गेल्या महिन्यातील ट्रन्सफर विंडोमध्ये मँचेस्टर युनायटेडने जेम्स गारनेरला परत बोलवण्याबाबत चर्चा देखील केली होती. मात्र नंतर त्याला नॉटिंगहॅम फॉरेस्टमध्येच (Nottingham Forest) ठेवण्याचा निर्णय घेण्यात आला. मात्र तो पुढचा हंगाम मँचेस्टर युनायडेटकडून खेळण्यासाठी सज्ज आहे. दरम्यान, एफए कपच्या चौथ्या फेरीत जेम्स गारनेर लीसेस्टर सिटीविरूद्ध खेळत होता. त्यावेळी त्याने सर्वांचे लक्ष आपल्याकडे वेधून घेतले. मॅचेस्टर सिटीकडून खेळेल्या ट्रेव्हर सिंक्लेयरला (Trevor Sinclair) जेम्स गारनेरचा खेळ आवडला.
ट्रेव्हरने फॉरेस्टकडून खेळणाऱ्या गारनेरमध्ये मँचेस्टर युनायडेटचा पुढचा डेव्हिड बेकहम दिला. तो एका स्पोर्ट्स शोमध्ये म्हणाला की, 'जेम्स गारनेरचे फटके मला डेव्हिड बेकहमची आठवण करून देतात. त्याच्याकडे ती डीप (Dip) आहे. त्याचा वेग हा समोरच्या संघासाठी डोकेदुखी ठरू शकतो. तो संघातील इतर पुढच्या फळीत खेळणाऱ्या खेळाडूंबरोबर चांगले ट्युनिंग तयार करतो. त्याच्या भात्यात जबरदस्त क्रॉस (Cross) फटके आहेत.'
गारनेर आता फॉरेस्टकडून चॅम्पियनशिपमधला पुढचा सामना ब्लॅकबर्न रोव्हर्स विरूद्ध ईवूड पार्कमध्ये बुधावारी खेळणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
