Jasprit Bumrah Recovery Update : भारतात ऑक्टोबरमध्ये होणाऱ्या वनडे वर्ल्डकपचे संपूर्ण वेळापत्रक आज जाहीर झाले. यानंतर वर्ल्डकपसाठीचा भारतीय संघ कसा असेल याबाबत चर्चा सुरू झाली आहे. भारताला गेल्या टी 20 वर्ल्डकपमध्ये जसप्रीत बुमराहची कमतरता चांगलीच जाणवली होती. त्यानंतर अजून बुमराहने भारतीय संघात पुनरागमन केलेले नाही. वनडे वर्ल्डकपसाठी तरी बुमराह फिट होणार का हा प्रश्न चाहत्यांना सतावत आहे.
जसप्रीत बुमराहच्या फिटनेसबाबत एक मोठी अपडेट समोर आली आहे. जसप्रीत बुमराह आता एनसीएमध्ये दिवसाला 7 षटके गोलंदाजी करतोय. बुमराहच्या पाठीवर शस्त्रक्रिया झाल्यानंतर तो जवळपास एक वर्ष मैदानापासून दूर होता. आता तो आयर्लंडविरूद्धच्या मालिकेत खेळणार अशी चर्चा सुरू होती. मात्र अजूनही जसप्रीत बुमराहच्या आयर्लंड मालिकेत खेळण्यावर प्रश्नचिन्ह आहे.
बुमराहचे पुनरागमन हे त्याच्या मॅच प्रॅक्टिसवर अवलंबून आहे. बुमराहला आशिया कपसाठी फिट करणे हा बीसीसीआयचा आहे. बीसीसीआयच्या एका सूत्राने पीटीआयला दिलेल्या माहितीनुसार 'बुमराहला झालेल्या दुखापतीचे स्वरूप पाहता फिट होण्यासाठी कालमर्यादा घालणे योग्य ठरणार नाही. तुम्हाला कायम त्याच्या फिटनेसवर लक्ष ठेवावे लागणार आहे.'
'मात्र सांगण्यात येत आहे की बुमराह हा चांगला रिकव्हर होत आहे. तो एनसीएच्या नेट्समध्ये दिवसाला 7 षटके टकात आहे. त्याच्या वर्कलोडमध्ये देखील वाढ कऱण्यात आली आहे. तो एनसीएमध्ये पुढच्या महिन्यात सराव सामने देखील खेळणार आहे. त्यानंतर त्याच्या फिटनेसवर बारीक लक्ष ठेवले जाईल.'
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
