Jasprit Bumrah Trolled : भारताचा स्टार वेगवान गोलंदाज जसप्रीत हुमराह पाठीच्या स्ट्रेच फ्रॅक्चरमुळे आगामी टी 20 वर्ल्डकपला मुकला आहे. याचदरम्यान, सोशल मीडियावर ऑस्ट्रेलियाचा वेगवान गोलंदाज मिचेल स्टार्क ट्रेंड करत होता. काही नेटकऱ्यांनी यावरून जसप्रीत बुमराहला ट्रोल देखील करण्यास सुरूवात केली. नेटकऱ्यांचा रोख जसप्रीत बुमराह हा आयपीएल खेळताना कायम फिट असतो मात्र देशाकडून खेळताना तो कायम दुखापतग्रस्त असतो असा होता. (Australia Mitchell Starc Trending)
जसप्रीत बुमराहने भारताकडून यंदाच्या वर्षी प्रत्येक फॉरमॅटमध्ये 5 - 5 सामने खेळले आहेत. मात्र आयपीएलमध्ये पूर्ण 14 सामने खेळले होते. दुसरीकडे ऑस्ट्रेलियाचा स्टार्कने महत्वाच्या स्पर्धेत फिट राहण्यासाठी आयपीएल आणि बीबीएल सारख्या पैसा कमवून देणाऱ्या स्पर्धांवर पाणी सोडले होते. याच गोष्टीवर बोट ठेवत नेटकरी आता जसप्रीत बुमराहला ट्रोल करत आहेत. बुमराहने आयपीएलला जास्त महत्व दिले. तर स्टार्कने याच्याविरूद्ध उदाहरण सर्वांसमोर ठेवले.
आशिया कपमधून देखील बुमराहने पाठ दुखीच्या कारणामुळे माघार घेतली होती. यापूर्वी तो इंग्लंड दौऱ्यावर भारतीय संघाकडून खेळताना दिला होता. आशिया कपनंतर ऑस्ट्रेलियाविरूद्ध झालेल्या तीन टी 20 सामन्यांच्या मालिकेत तो संघात परतला होता. यापैकी तो दोन सामने खेळला. मात्र दक्षिण आफ्रिकेविरूद्धची मालिकेला तो पाठ दुखीमुळे मुकला. पहिल्यांदा त्याची दुखापत गंभीर नसल्याचे सांगण्यात आले. मात्र पुढे त्याची दुखापत गंभीर असल्याचे आढळून आल्याने तो टी 20 वर्ल्डकपला देखील मुकला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
