Jyoti Gaderiya Story: पॅरिसमध्ये पॅरालिम्पिक २०२४ स्पर्धेला सुरुवात झाली असून जगभरातील खेळाडू आपल्या खेळाने किमया दाखवण्यास सज्ज आहेत. गुरुवारी भारताकडून ज्योती गदेरिया सायकल ट्रॅकवर उतरली होती.
ती ज्यावेळी सायकल ट्रॅकवर उतरली, त्याचवेळी तिच्या नावावर एक मोठा विक्रम झाला. ती पॅरालिम्पिकमध्ये सहभागी होणारी भारताची पहिलीच सायकलिस्ट ठरली. यापूर्वी अशी कामगिरी भारताकडून कोणाला करता आली नव्हती.
ती गुरुवारी पॅरा ट्रॅकच्या महिलांच्या C1-3 3000 मीटर प्रकारात सहभागी झाली होती. परंतु ती १० व्या क्रमांकावर राहिली, त्यामुळे तिला पदकापासून दूर रहावे लागले. परंतु असं असलं तरी तिने या स्पर्धेत सहभागी होणेच भारताच्या दृष्टीने मोठी गोष्ट ठरली.
