Kagiso Rabada Viral Video : रबाडाची हिंदी ऐकून भावी सासरेबुवांना आली असेल चक्कर

Kagiso Rabada Viral Video : दक्षिण आफ्रिका क्रिकेट संघाचा स्टार वेगवान कागिसो रबाडा त्याच्या किलर बॉलिंगसाठी ओळखला जातो. रबाडा आयपीएल मध्ये पंजाब किंग्जकडून खेळला होता. परदेशी खेळाडू जेव्हा आयपीएलमध्ये खेळतात तेव्हा ते भारतीय खेळाडूंशी हिंदीत संवाद साधण्याचा प्रयत्न करतात. पण आता दक्षिण आफ्रिकेचा स्टार गोलंदाज रबाडा हिंदी बोलत असल्याचा व्हिडिओ सोशल मीडियावर व्हायरल झाला आहे.

कागिसो रबाडाचा एक व्हिडिओ प्रचंड व्हायरल होत आहे. यामध्ये तो हिंदीत बोलताना दिसत आहे. कागिसो रबाडा भारतीय रेडिओ जॉकी करिश्मासोबत हिंदीत बोलताना दिसला. रबाडा आपल्या गर्लफ्रेंडच्या आई-वडिलांना इम्प्रेस करण्यासाठी टिप्स देताना दिसतो. पण यादरम्यान तो अशा चुका करतो की ऐकल्यानंतर तुम्हाला हसू आवरत नाही.

कागिसो रबाडा हा त्याच्या उत्कृष्ट गोलंदाजीसाठी ओळखला जातो. त्याने दक्षिण आफ्रिकेसाठी अनेक सामने स्वबळावर जिंकले आहेत. जेव्हा तो आपल्या लयीत असतो तेव्हा तो कोणत्याही फलंदाजीच्या आक्रमणाला फाटा देऊ शकतो. डावाच्या सुरुवातीला तो खूपच धोकादायक असल्याचे सिद्ध होते. रबाडा दक्षिण आफ्रिकेकडून तिन्ही फॉरमॅटमध्ये क्रिकेट खेळला आहे. त्याने दक्षिण आफ्रिकेकडून 55 कसोटी सामन्यात 257 विकेट्स, 87 एकदिवसीय सामन्यात 135 बळी आणि 49 टी-20 सामन्यात 55 बळी घेतले आहेत.