KL Rahul : धोनीनंतर केएलच! जे ऋषभ पंतला जमलं नाही ते राहुलनं करून दाखवलं

KL Rahul ODI Cricket Record : भारताचा काळजीवाहू कर्णधार केएल राहुलने दक्षिण आफ्रिकेविरूद्धच्या तिसऱ्या सामन्यात एक मोठा विक्रम आपल्या नावावर केला. भारताचे दोन्ही सलामीवीर स्वस्तात माघारी गेल्यानंतर केएल राहुलने संजू सॅमसन सोबत भागीदारी रचली होती. मात्र तो 21 धावा करून बाद झाला.

जरी केएल राहुल 21 धावा करून बाद झाला असला तरी केएल राहुलने एक मोठा विक्रम आपल्या नावावर केला आहे. 14 वर्षाच वनडेमध्ये एका कॅलेंडर वर्षात 1000 धावा करणारा तो पहिला भारतीय विकेटकिपर फलंदाज झाला आहे.

https://twitter.com/StarSportsIndia/status/1737106374105157968

केएल राहुल हा महेंद्रसिंह धोनीनंतर वनडेमध्ये अशी कामगिरी करणारा दुसरा फलंदाज ठरला आहे. 2021 मध्ये ऋषभ पंत हा आंतरराष्ट्रीय क्रिकेटमध्ये एका कॅलेंडर वर्षात 1000 पेक्षा जास्त धावा करणारा धोनीनंतरचा पहिला भारतीय विकेटकिपर फलंदाज झाला होता. मात्र वनडेमध्ये धोनीनंतर अशी कामगिरी करणारा केएल राहुल हाच दुसरा फलंदाज आहे.

केएल राहुलने दक्षिण आफ्रिकेविरूद्धच्या तिसऱ्या वनडे सामन्यात 35 चेंडूत 21 धावा केल्या. त्याने संजू सॅमसनसोबत तिसऱ्या विकेटसाठी 52 धावांची महत्वपूर्ण भागीदारी रचली. भारत आणि दक्षिण आफ्रिका यांच्यातील तीन सामन्यांची मालिका 1 - 1 अशी बरोबरीत आहे. आजचा तिसरा आणि निर्णायक सामना जिंकून मालिका खिशात टाकण्यासाठी महत्वाचा आहे.