नवी दिल्ली : भारताचा नवनियुक्त कसोटी उपकर्णधार रोहित शर्मा (Rohit Sharma) दक्षिण आफ्रिका दौऱ्यापूर्वीच दुखापतग्रस्त झाला. त्यामुळे रोहित शर्मा दक्षिण आफ्रिका दौऱ्यावरील (India Tour Of South Africa) कसोटी मालिकेला मुकणार आहे. बीसीसीआयने रोहित शर्माची रिप्लेसमेंट म्हणून प्रियांक पांचाळची निवड केली. मात्र दक्षिण आफ्रिका दौऱ्यावर कसोटी मालिकेत भारताचे उपकर्णधारपद कोणाला मिळणार याची घोषणा केली नव्हती. आता एनआयने सूत्रांच्या हवाल्याने दिलेल्या वृत्तानुसार दक्षिण आफ्रिका दौऱ्यावर उपकर्णधारपदाची जबाबदारी केएल राहुल (KL Rahul) याच्यावर सोपवण्यात आली आहे. त्यामुळे विराट कोहलीला (Virat Kohli) आता दक्षिण आफ्रिका दौऱ्यावर त्याच्या खास मित्राची साथ लाभणार आहे.
'होय रोहितच्या अनुपस्थिती केएल राहुल याच्याकडे उपकर्णधारपदाची जबाबदारी दिली जाईल.' असे या सूत्राने सांगितले. बीसीसीआयने सोमवारीच रोहित शर्मा दक्षिण आफ्रिका दौऱ्यावरील कसोटी मालिकेला मुकणार असल्याची घोषणा केली होती. त्याचा मांडीचा स्नायू दुखावला असल्याने तो सध्या एनसीएमध्ये दुखापतीतून सावरण्याचा प्रयत्न करत आहे.
बीसीसीआयने (BCCI) रोहितच्या जागी भारतीय अ संघाचा कर्णधार प्रियांक पांचाळ याची निवड केली. तो भारतीय संघाबरोबर दक्षिण आफ्रिका दौऱ्यावर जोडला जाणार आहे. सध्या भारतीय अ संघ दक्षिण आफ्रिका दौऱ्यावर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
