Lionel Messi : मेस्सीचा जन्म आसाममध्ये, कॉंग्रेस खासदारानं तोडले अकलेचे तारे

फिफा विश्वचषक 2022च्या अंतिम फेरीत अर्जेंटिनाने फ्रान्सविरुद्ध पेनल्टी शूटआऊटमध्ये विजय मिळवला आहे. हा सामना जगभरातील कोट्यावधी चाहत्यांनी पाहिला. अर्जेंटिनाने शूटआऊटमध्ये 4-2 असा विजय मिळवत लिओनेल मेस्सीचे वर्ल्डकप जिंकण्याचं स्वप्न पूर्ण केले. यादरम्यान आसामच्या एका कॉंग्रेस खासदाराने मेस्सीचे अभिनंदन करत त्याचं आसाम कनेक्शन असल्याचं म्हटलं आहे.

काल फ्रान्सविरुद्ध फिफा विश्वचषक जिंकल्यानंतर आसाममधील काँग्रेस खासदार अब्दुल खलेक) Congress MP Abdul Khaleque) अर्जेंटिनाचा फुटबॉल स्टार लिओनेल मेस्सीचे पहिल्यांदा अभिनंदन केलंआणि नंतर त्याचे आसामशी नाते असल्याबद्दल त्याचं कौतुक देखील केलं

"मनापासून अभिनंदन. तुमच्या आसाम कनेक्शनबद्दल आम्हाला तुमचा अभिमान आहे," असं ट्वीट काँग्रेस खासदार अब्दुल खलेक यांनी ट्विट केलं. या ट्विटनंतर वापरकर्त्यांकडून याबद्दल आश्चर्य व्यक्त करण्यात आलं.

यादरम्यान खासदाराच्या या दाव्याने हैराण झालेल्या आदित्य शर्मा या ट्विटर यूजरने ट्विट करत खासदारांना "आसाम कनेक्शन?" असा प्रश्न विचारला. त्यावर त्यांनी "हो, तो आसाममध्ये जन्मला आहे" असं उत्तर दिलं. तसेच याबाबत इतरही ट्विटर वापरकर्त्यांकडून प्रश्न विचारले जाऊ लागताच कॉंग्रेस खासदारांनी हे ट्विट डिलीट केले. काँग्रेस खासदाराने केलेले मूळ ट्विट ज्यावर शर्मा यांनी लिओनेल मेस्सीच्या "आसाम कनेक्शन" बद्दल प्रश्न विचारला होता, ते ट्विट खासदारांनी डिलीट केल्याचे दाखवत आहे.

त्यानंतर या खासदारांनी “अफवा पसरवण्याआधी, मी सर्वांना विनंती करतो की त्यांनी माझ्या ट्विटर हँडलची आणि अधिकृत फेसबुक पेजची टाइमलाइन तपासावी,” असे ट्विट त्यांनी केले. मात्र, तोपर्यंत अनेकांनी त्यांच्या ट्विटचे स्क्रीनशॉट घेतले होते.

कतारमध्ये विश्वचषक फायनलमध्ये फ्रान्सवर मिळवलेल्या विजयाचा आनंद साजरा करण्यासाठी लाखो लोक मायदेशात रस्त्यावर उतरले होते. अर्जेंटीना देशात वर्ल्डकप विजयाचा प्रचंड जल्लोष पाहायला मिळाला. यासोबतच जगभरात देखील संघाच्या चाहत्यांनी विजयाचा आनंद साजरा केल्याचे दिसून आले.