Asian Games 2023 : भारताची ऑलिम्पिक पदक विजेती बॉक्सर लवलिना बोरगोहेनने एशियन गेम्स 2023 मध्ये महिला बॉक्सिंग 75 किलो वजनी गटात रौप्य पदक जिंकले. सुवर्ण पदकाच्या सामन्यात चीनच्या ली कियानने 5 - 0 असा पराभव केला. त्यामुळे लवलिनाला रौप्य पदकावर समाधान मानावे लागले.
लवलिनाच्या रूपेरी कामगिरीने भारताची पदकसंख्या ही 74 वर पोहचली आहे. भारताने आतापर्यंत 16 सुवर्ण 27 रौप्य आणि 31 कांस्य पदकांची कमाई केली आहे.
भारताने आज आर्चरीमध्ये सुवर्ण कामगिरी केली. मिश्र दुहेरीत ओजस देवताळे आणि ज्योती सुरेखा वेन्नम यांनी दक्षिण कोरियाच्या जोडीला एका गुणाने मात देत सुवर्ण पदक पटकावले. आर्चरीमध्ये भारताने आतापर्यंत चार पदके पटकावली आहेत. ही आर्चरीमधील भारताची एशियन ग्म्समधील सर्वात चांगली कामगिरी आहे. याचबरोबर चालण्याच्या स्पर्धेत भारताच्या मंजू राणी आणि राम बाबू यांनी कांस्य पदक जिंकले. त्यांनी हे पदक 35 किलोमीटर चालण्याच्या मिश्र सांघिक प्रकारात पटकावले आहे.
भारताने आज स्क्वॉशच्या मिश्र दुहेरीत देखील कांस्य पदकाची कमाई केली. भारतीय जोडी अनहत सिंह आणि अभय सिंह यांनी सेमी फायनलमध्ये प्रवेश करत आपले कांस्य पदक निश्चित केले होते. मात्र त्याचा सेमी फायनलमध्ये मलेशियाच्या जोडीने 11 - 8, 2- 11, 9- 11 असा पराभव करत फायनलमध्ये प्रवेश केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
