क्वालालांपूर : भारताची स्टार बॅडमिंटनपटू पी. व्ही. सिंधूने (PV Sindhu) दिमाखात मलेशिया मास्टर्सच्या (Malaysia Masters) उपांत्यपूर्व फेरीत प्रवेश केला होता. मात्र आज उपांत्यपूर्व फेरीतील सामन्यात ताई त्झू यिंगने (Tai Tzu Ying) सिंधूचा पराभव करत तिचे स्पर्धेतील आव्हान संपुष्टात आणले. सिंधूला काही केल्या ताईचं कोडं काही सुटत नाहीये.
मलेशिया मास्टर्समध्ये सिंधू आणि ताईच्या सामन्यात पहिल्या गेम ताईनेने 13-21 असा चांगल्या गुणफरकाने जिंकला होता. मात्र दुसऱ्या गेममध्ये सिंधूने कडवा प्रतिकार केला.तिने दुसरा गेम 21-12 असा जिंकला. मात्र तिसऱ्या गेममध्ये सिंधूने पुन्हा कच खालली. ताईने जोरदार पुनरागमन करत तिसरा गेम 12-21ने जिंकला.
टोकियो ऑलिम्पिकमध्ये रौप्य पदक जिंकणाऱ्या ताई यिंगने सिंधूचा तिच्या कारकिर्दित केलेला हा 17 वा पराभव होता. गेल्या सात सामन्यात सिंधूला ताईचा पारभव करणे काही जमलेले नाही. सिंधूने ताई यिंगचा 2019 ला वर्ल्ड चॅम्पियनशिप स्पर्धेत सुवर्ण पदकाच्या लढतीत पराभव केला होता. त्यानंतर ताईने सिंधूला कायम मात दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
