नागपूर : भारताचे प्रतिनिधित्व करणारी नागपूरची आंतरराष्ट्रीय महिला बॅडमिंटनपटू मालविका बन्सोडने बीजिंगमध्ये सुरू असलेल्या चायना ओपन सुपर सिरीज बॅडमिंटन स्पर्धेतील शानदार प्रदर्शन कायम ठेवत महिला एकेरीच्या उपांत्यपूर्वफेरीत धडक मारली..गुरुवारी खेळल्या गेलेल्या संघर्षपूर्ण उपउपांत्यपूर्व लढतीत मालविकाने जागतिक क्रमवारीत २५ व्या स्थानावर असलेल्या स्कॉटलंडच्या क्रिस्टी गिलमोरचा तीन गेम्समध्ये २१-१७, १९-२१, २१-१६ ने पराभव केला. २२ वर्षीय मालविकाने पहिला गेम २१-१७ ने जिंकल्यानंतर दुसऱ्या गेम मध्ये अटीतटीच्या प्रसंगी चुका केल्याने तिला हा गेम १९-२१ ने गमवावा लागला. मात्र निर्णायक ठरलेल्या तिसऱ्या गेममध्ये मालविकाने जबरदस्त खेळ करीत २१-१६ ने गेम व सामना जिंकून थाटात उपांत्यपूर्वफेरी गाठली. आता उपउपांत्यपूर्व फेरीत मालविकासमोर आठव्या स्थानावरील जपानच्या अकाने यामागुचीचे कडवे आव्हान राहणार आहे..शानदार फॉर्ममध्ये असलेल्या मालविकाने दोन दिवसांत दोन बलाढ्य प्रतिस्पर्ध्यांना पराभूत करून आपली गुणवत्ता सिद्ध केली आहे. काल तिने वर्ल्ड ज्युनिअर चॅम्पियन व पॅरिस ऑलिम्पिकमध्ये ब्रॉंझपदक जिंकणाऱ्या इंडोनेशियाच्या तूनजुंग ग्रेगरिया मरिस्काला सरळ दोन गेम्समध्ये २६-२४, २१-१९ ने पराभूत केले होते. वरची रँकिंग असलेल्या खेळाडूंना पराभूत केल्याने मालविकाच्याही रँकिंगमध्ये सुधारणा होणार आहे. मालविका सद्यस्थितीत जागतिक क्रमवारीत ४३ व्या स्थानावर आहे..करिअरमधील सर्वोत्तम विजयनुकताच २२ वा वाढदिवस साजरा करणाऱ्या मालविकाने या विजयावर आनंद व्यक्त करून हा आतापर्यंतच्या करिअरमधील सर्वोत्तम विजय असल्याची प्रतिक्रिया व्यक्त केली. मालविका म्हणाली, पहिल्यांदा उपांत्यपूर्वफेरीत स्थान मिळविल्याचा मनापासून फार आनंद झाला. कालच्या तुलनेत आजची परिस्थिती खूपच कठीण होती. दोघींनाही खेळताना त्रास झाला. सुदैवाने मोक्याच्या क्षणी अडचणींवर मात केल्याने विजय माझा झाला. विजयी मोहीम कायम ठेवण्याचा विश्वास तिने यावेळी व्यक्त केला.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
नागपूर : भारताचे प्रतिनिधित्व करणारी नागपूरची आंतरराष्ट्रीय महिला बॅडमिंटनपटू मालविका बन्सोडने बीजिंगमध्ये सुरू असलेल्या चायना ओपन सुपर सिरीज बॅडमिंटन स्पर्धेतील शानदार प्रदर्शन कायम ठेवत महिला एकेरीच्या उपांत्यपूर्वफेरीत धडक मारली..गुरुवारी खेळल्या गेलेल्या संघर्षपूर्ण उपउपांत्यपूर्व लढतीत मालविकाने जागतिक क्रमवारीत २५ व्या स्थानावर असलेल्या स्कॉटलंडच्या क्रिस्टी गिलमोरचा तीन गेम्समध्ये २१-१७, १९-२१, २१-१६ ने पराभव केला. २२ वर्षीय मालविकाने पहिला गेम २१-१७ ने जिंकल्यानंतर दुसऱ्या गेम मध्ये अटीतटीच्या प्रसंगी चुका केल्याने तिला हा गेम १९-२१ ने गमवावा लागला. मात्र निर्णायक ठरलेल्या तिसऱ्या गेममध्ये मालविकाने जबरदस्त खेळ करीत २१-१६ ने गेम व सामना जिंकून थाटात उपांत्यपूर्वफेरी गाठली. आता उपउपांत्यपूर्व फेरीत मालविकासमोर आठव्या स्थानावरील जपानच्या अकाने यामागुचीचे कडवे आव्हान राहणार आहे..शानदार फॉर्ममध्ये असलेल्या मालविकाने दोन दिवसांत दोन बलाढ्य प्रतिस्पर्ध्यांना पराभूत करून आपली गुणवत्ता सिद्ध केली आहे. काल तिने वर्ल्ड ज्युनिअर चॅम्पियन व पॅरिस ऑलिम्पिकमध्ये ब्रॉंझपदक जिंकणाऱ्या इंडोनेशियाच्या तूनजुंग ग्रेगरिया मरिस्काला सरळ दोन गेम्समध्ये २६-२४, २१-१९ ने पराभूत केले होते. वरची रँकिंग असलेल्या खेळाडूंना पराभूत केल्याने मालविकाच्याही रँकिंगमध्ये सुधारणा होणार आहे. मालविका सद्यस्थितीत जागतिक क्रमवारीत ४३ व्या स्थानावर आहे..करिअरमधील सर्वोत्तम विजयनुकताच २२ वा वाढदिवस साजरा करणाऱ्या मालविकाने या विजयावर आनंद व्यक्त करून हा आतापर्यंतच्या करिअरमधील सर्वोत्तम विजय असल्याची प्रतिक्रिया व्यक्त केली. मालविका म्हणाली, पहिल्यांदा उपांत्यपूर्वफेरीत स्थान मिळविल्याचा मनापासून फार आनंद झाला. कालच्या तुलनेत आजची परिस्थिती खूपच कठीण होती. दोघींनाही खेळताना त्रास झाला. सुदैवाने मोक्याच्या क्षणी अडचणींवर मात केल्याने विजय माझा झाला. विजयी मोहीम कायम ठेवण्याचा विश्वास तिने यावेळी व्यक्त केला.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
