Mohammed Shami : भारताचा स्टार वेगवान गोलंदाज मोहम्मद शामीने आज पुन्हा एकदा मोठा धमाका केला. भारताने 358 धावांचे आव्हान घेऊन मैदानात उतरलेल्या श्रीलंकेची अवस्था भारतीय वेगवान गोलंदाजांनी पळता भुई थोडी केली.
बुमराहने डावाच्या पहिल्याच चेंडूवर विकेट काढत ऐतिहासिक कामगिरी केली. त्यानंतर मोहम्मद सिराजने देखील आपल्या स्पेलच्या पहिल्याच चेंडूवर विकेट घेतली. मोहम्मद शामीने मात्र आपल्या स्पेलच्या तिसऱ्या चेंडूवर विकेट घेतली. परंतु त्याने त्यानंतर विकेट्सचा धडाकाच लावला. शामीने बघता बघता 5 विकेट्स घेतल्या. याचबरोबर तो भारताकडून वनडे वर्ल्डकपमध्ये सर्वात चांगली कामगिरी करणारा गोलंदाज ठरला.
मोहम्मद शामीने 14 डावात 45 विकेट्स घेतल्या. त्याने भारताकडून वनडे वर्ल्डकपमध्ये सर्वाधित विकेट्स घेणाऱ्या जहीर खान ( 22 डावात 44 विकेट्स) आणि जवागल श्रीनाथ (33 डावात 44 विकेट्स) यांना मागे टाकले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.