Mohammed Shami Corona Positive : ऑस्ट्रेलियाविरुद्ध मंगळवारपासून (20 सप्टेंबर) सुरू होणाऱ्या तीन सामन्यांच्या T20I मालिकेपूर्वी भारताला मोठा धक्का बसला आहे. संघाचा स्टार वेगवान गोलंदाज मोहम्मद शमी कोरोना पॉझिटिव्ह आढळला असून त्याला आगामी टी-20 मालिकेतून वगळण्यात आले आहे. रिपोर्टनुसार तो दक्षिण आफ्रिकेविरुद्धच्या मालिकेपूर्वी तंदुरुस्त होईल.
भारत आणि ऑस्ट्रेलिया यांच्यातील 3 सामन्यांच्या मालिकेतील पहिला T-20 सामना 20 सप्टेंबरला मोहाली येथे खेळवला जाणार आहे. टीम इंडिया शनिवारी मोहालीला पोहोचल्यानंतर शमीला कोरोना पॉझिटिव्ह असल्याची माहिती बीसीसीआय आणि टीम मॅनेजमेंटशी संबंधित अधिकाऱ्यांपर्यंत पोहोचली. आरोन फिंचच्या नेतृत्वाखाली कांगारू संघाने मोहालीत पोचून सरावही सुरू केला आहे.
मोहम्मद शमीचा आगामी T20 विश्वचषकासाठी भारतीय संघात समावेश करण्यात आलेला नाही. प्रदीर्घ कालावधीनंतर त्याला ऑस्ट्रेलिया आणि दक्षिण आफ्रिकेविरुद्धच्या देशांतर्गत टी-20 संघात स्थान मिळाले होते. शमीने शेवटचा टी-20 आंतरराष्ट्रीय सामना गेल्या वर्षी टी-20 विश्वचषकात खेळला होता. जवळपास वर्षभरानंतर तो T20 मध्ये पुनरागमन करणार होता. टी-20 विश्वचषकातील 5 सामन्यात त्याने 6 विकेट घेतल्या होत्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
