MS Dhoni Wife Sakshi Video : भारताचा माजी कर्णधार महेंद्र सिंह धोनी हा आयपीएल 2022 नंतर फारसा कुठे दिसलेला नाही. मात्र आता त्याचा एक व्हिडिओ सध्या सोशल मीडियावर व्हायरल होत आहे. या व्हिडिओत महेंद्रसिह धोनी आणि पत्नी साक्षी यांच्यात एक वादविवाद झालेला दाखवण्यात आला आहे. मात्र हा वादविवाद लुटूपुटूचा होता. साक्षी धोनी म्हणते की तुझे फॉलोअर्स माझ्यावर देखील प्रेम करतात.
महेंद्रसिंह धोनी आणि साक्षी धोनीचा हा लुटूपुटूच्या लाढाईचा व्हिडिओ धोनीच्या अधिकृत फॅन पेजवरून शेअर करण्यात आला आहे. या व्हिडिओवर अनेक चाहत्यांनी कमेंट केल्या आहेत. तसेही महेंद्रसिंह धोनीचा सोशल मीडियावरील वावर हा अत्यंत मर्यादित असतो. त्यामुळे सोशल मीडियावर त्याची एक झलक पाहण्यासाठी चाहत्यांची झुंबड उडत असते.
आताच्या या व्हिडिओत धोनी साक्षीला म्हणतो की तू हे जे करत आहेस ते सर्व तुझे फॉलोअर्स वाढवण्यासाठी करत आहेस. ही चोरी आहे.' यावर साक्षी धोनी प्रत्युत्तर देते की 'तुझे फॉलोअर्स माझ्यावर देखील प्रेम करतात. मी तुझा एक अविभाज्य घटक आहे बेबी.. स्विटी.'
महेंद्रसिह धोनी पुन्हा एकदा सीएसकेचा कर्णधार झाला आहे. तो 2023 च्या हंगामात देखील सीएसकेचा कर्णधार असणार आहे. धोनीने 350 वनडे, 98 आंतरराष्ट्रीय टी 20 आणि 90 कसोटी सामने खेळले आहेत. त्याने एकूण 17 हजार 266 धावा केल्या असून यात 108 अर्धशतके आणि 16 शतके ठोकली आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
