IND U19 vs BAN U19 : 19 वर्षाखालील आशिया कपच्या सेमी फायनल सामन्यात बांगलादेशने भारताची अवस्था 6 बाद 61 धावा अशी केली होती. मात्र मुशीर खान आणि त्यानंतर मुरगन अभिषेक यांनी अर्धशतक ठोकत भारताचा डाव सावरला. भारताने 188 धावांपर्यंत मजल मारली.
मुशीरने 62 चेंडूत 50 धावा केल्या तर मुरगन अभिषेकने 73 चेंडूत 62 धावा केल्या. बांगलादेशकडून मारूफ मृधाने 41 धावात सर्वाधिक 4 विकेट्स घेतल्या.
बांगलादेशने नाणेफेक जिंकून प्रथम गोलंदाजी करण्याचा निर्णय घेतला होता. मारूफने भेदक मारा करत भारताची अवस्था 6 बाद 61 धावा अशी केली होती. टॉप ऑर्डरमध्ये प्रियांशू मोलिया (19) आणि सचिन दास (16) यांनाच दुहेरी आकडा पार करता आला.
भारताचे सहा फलंदाज कसंबसं संघाचं अर्धशतक पूर्ण करून बाद झाल्यानंतर मुशीर खान आणि मुरगमन अभिषेक यांनी भारताचा डाव सावरला. रणजी ट्रॉफीचे अनेक हंगाम गाजवणाऱ्या सरफराज खानचा छोटा भाऊ असलेल्या मुशीरने भावाप्रमाणेच दमदार फलंदाजी केली.
त्याने 52 धावा करत अभिषेकसोबत सातव्या विकेटसाठी 84 धावांची भागीदारी रचली. मुशीर बाद झाल्यानंतर अभिषेकने तळातील फलंदाज राज लिंबानीसोबत भारताला 170 धावांचा टप्पा पार करून दिला. राज लिंबानीनेही नाबाद 11 धावा करत भारताला 188 धावांपर्यंत पोहचवले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
