Sanju Samson Ind vs Nz 3rd ODI : भारत आणि न्यूझीलंड यांच्यात आज क्राइस्टचर्चमध्ये तिसरा आणि शेवटचा वनडे खेळला जात आहे. न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला आहे. नाणेफेकीनंतर दोन्ही संघांनी आपापल्या प्लेइंग इलेव्हनची घोषणा केली. या सामन्यासाठी टीम इंडियाने प्लेईंग-11 मध्ये कोणताही बदल केला नाही, त्यामुळे चाहत्यांच्या संतापाचा भडका उडाला आहे. कारण टीम इंडियाने पुन्हा संजू सॅमसनला प्लेइंग-11 मधून वगळले आहे.
संजू सॅमसनला संधी देण्यासाठी चाहते सतत आवाज उठवतात, अनेकदा त्याला संधी मिळते पण दीर्घ विश्रांतीनंतर. कारण तेव्हा वरिष्ठ खेळाडू खेळत असतात, याशिवाय त्यांची संघात सातत्याने निवड होत नाही.
न्यूझीलंडविरुद्धच्या तिसऱ्या एकदिवसीय सामन्यात टीम इंडियाने प्लेइंग-11 कोणता ही बदल केला नाही. दुसऱ्या एकदिवसीय सामन्यात शार्दुल ठाकूर आणि संजू सॅमसनला प्लेइंग-11 मधून वगळण्यात आले होते. तर त्यांच्या जागी दीपक चहर, दीपक हुड्डा यांना संधी दिली होती.
• संजू सॅमसन एकदिवसीय सामने : 11 सामने, 10 डाव, 330 धावा, 66 सरासरी
• संजू सॅमसनचा वनडेतील डाव : 46, 12, 54, 6*, 43*, 15, 86*, 30*, 2*, 36
मात्र, संजू सॅमसनचे चाहते या निवडीमुळे नाराज झाले आणि नाणेफेकीनंतर लगेचच तो ट्विटरवर ट्रेंडिंग विषय बनला. एकदिवसीय क्रिकेटमधील त्याच्या विक्रमाचा हवाला देत चाहत्यांनी बीसीसीआयवर संजू सॅमसनशी जाणीवपूर्वक भेदभाव केल्याचा आरोप केला. चाहत्यांनी लिहिले की, संजू सॅमसन बीसीसीआयसाठी सोपे टारगेट आहे. चाहत्यांनी लिहिले की, बीसीसीआयने संजूच करिअर संपलं .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
