Novak Djokovic in US Open 2024: पुरुष विभागात सर्वाधिक २४ ग्रँडस्लॅम विजेतेपद... एकूण ९९ अजिंक्यपद... सर्वाधिक आठवडे नंबर वन स्थानावर विराजमान... आता ऑलिंपिक सुवर्णपदक... ही यशोगाथा सर्बियाचा महान टेनिसपटू नोवाक जोकोविचची.
आता या पठ्ठ्यासमोर सोमवारपासून सुरू होत असलेल्या अमेरिकन ओपन टेनिस ग्रँडस्लॅमचे जेतेपद पटकावण्याचे आव्हान उभे ठाकले आहे. जोकोविचने अमेरिकन ओपन स्पर्धेत विजेतेपदावर नाव कोरल्यास एकेरी विभागात २५ ग्रँडस्लॅम जिंकणारा तो जगातील पहिलाच (पुरुष व महिला मिळून) टेनिसपटू असणार आहे.
