Virat Kohli Novak Djokovic : जेव्हा जोकोविचचा मेसेज पाहून विराट होतो चकीत... दोन दिग्गजांची सोशलवर चर्चा!

Virat Kohli Novak Djokovic : भारताचा स्टार क्रिकेटपटू विराट कोहली आणि टेनिस जगतावर अधिराज्य गाजवणारा नोव्हाक जोकोविच यांच्यातील नवा नवा याराना सध्या चर्चेत आहेत. विराट कोहलीने 14 महिन्यानंतर आंतरराष्ट्रीय टी 20 क्रिकेटमध्ये पुनरागमन केलं आहे. तर दुसरीकडे जोकोविच ऑस्ट्रेलियन ओपनवर नाव कोरण्यासाठी आपली मोहीम सुरू केली आहे.

दरम्यान, विराट कोहली आणि नोव्हाक जोकोविच यांच्यात सोशल मीडियावर संदेशाची देवाण-घेवाण झाली असून आता जोकोविचला विराट कोहलीसोबत क्रिकेट खेळायची इच्छा झाली आहे. बीसीसीआयनेही यामध्ये उडी घेतली असून विराट कोहलीचा जोकोविचसाठीचा गुलडक मेजेस व्हिडिओ आपल्या अकाऊंटवरून शेअर केला.

विराट कोहलीने ज्यावेळी त्याचे वनडेतील 50 वे शतक ठोकले होते. त्यावेळी नोव्हाक जोकोविचने स्टोरी ठेवली होती. याबद्दल बोलताना विराट म्हणाला की जागतिक स्तरावरील खेळाडूंशी असा कनेक्ट असणं चांगलं असतं. नव्या पिढीला एक प्रेरणा मिळण्यासाठी ते गरजेचं आहे.

नोव्हाक जोकोविचने नुकतेच ऑस्ट्रेलियन ओपन सुरू होण्यापूर्वी स्टीव्ह स्मिथसोबत क्रिकेट खेळण्याचा आनंद लुटला. तर स्मिथने देखील टेनिसमध्ये आपला हात आजमावला. जोकोविचने आतापर्यंत 24 ग्रँडस्लॅम जिंकली असून तो यंदाची ऑस्ट्रेलियन ओपन जिंकून 25 ग्रँडस्लॅम विजेता पहिला पुरूष टेनिसपटू होण्याचा मान पटकावण्यासाठी उत्सुक असेल.

(Sports Latest News)