PV Sindhu : एकतर्फी विजयासह पी. व्ही. सिंधू उपांत्यपूर्व फेरीत दाखल

माद्रिद : भारताची हुकमी बॅटमिंटनपटू पी. व्ही. सिंधू हिने माद्रिद स्पेन मास्टर्स स्पर्धेतील आपली वाटचाल कायम ठेवली. उपांत्यपूर्व फेरीत प्रवेश करताना तिने तैपेईच्या हुआंग यू हून हिचा सरळ गेममध्ये पराभव केला.

गेल्या वर्षातही फॉर्म मिळवण्यासाठी झगडणाऱ्या सिंधूने हा सामना अवघ्या ३६ मिनिटांत २१-१४, २१-१२ असा जिंकला. जागतिक क्रमवारीत ६३व्या स्थानावर असलेल्या तैपेईच्या या खेळाडूविरुद्ध सिंधूचा कस लागला नाही.