Caribbean Premier League 2021 : ड्वेन ब्रावोच्या नेतृत्वाखालील सेंट किट्स अँण्ड नेविस पॅट्रियोट्स संघाने निकोलस पूरनच्या गयाना अमेझॉनला वॉरियर्स संघाला पराभूत करत फायनल गाठली. सेंट किट्सच्या विजयात सलामीवर ख्रिस गेलचा धमाका पाहायला मिळाला. गयाना अमेझॉन वॉरियर्सने दिलेल्या 179 धावांचा पाठलाग करताना गेलनं एविन लुईसच्या साथीनं पहिल्या विकेटसाठी 7.2 षटकात 76 धावांची तगडी भागीदारी केली.
सलामी जोडीनं केलेल्या दमदार कामिगिरीच्या जोरावर सेंट किट्सने 7 गडी राखून सामना जिंकत फायनल गाठली. या सामन्यात गेलने 155.56 च्या सरासरीने 27 चेंडूत 42 धावा केल्या. दुसऱ्या बाजूला लुईसने 39 चेंडूत नाबाद 77 धावांची खेळी केली. यात त्याने 8 षटकार खेचले. आयपीएल किंवा वेस्ट इंडिज संघाकडून खेळताना मागील काही सामन्यांपासून तिसऱ्या क्रमांकावर खेळणाऱ्या गेल पुन्हा एकदा डावाची सुरुवात करताना दिसले. धावांचा पाठलाग करताना आपल्यातील धमाका दाखवून देत त्याने कर्णधाराचा निर्णय सार्थ ठरवला. सामन्यादरम्यान एक फटका खेळताना गेलची बॅट तुटल्याचे पाहायला मिळाले.
सेंट किट्सच्या डावातील चौथ्या षटकात ओडियन स्मिथच्या गोलंदाजीवर गेलच्या बॅटचे दोन तुकडे झाले. स्मिथनं वेगाने फेकलेल्या चेंडूवर प्रहार करताना बॅट आणि बॉलचा संपर्क झाला. पण दांडा हातात अन् बॅटचा उरलेला तुकडा मैदानात उडून पडल्याचे पाहायला मिळाले.
कॅरेबियन प्रिमियर लीगच्या फायनलमध्ये आता सेंट किट्स अँण्ड नेविस पॅट्रियोट्ससमोर रहकिम कॉर्नवालच्या सेंट लुसिया किंग्जचे आव्हान असणार आहे. आयपीएलमध्ये रंगणाऱ्या फायनलमध्ये गेल आणि लुईस आपल्या संघासाठी दमदार कामगिरी करुन झोकात आयपीएल स्पर्धेसाठी युएईला रवाना होण्यासाठी सज्ज असतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
