रावळपिंडी: पाकिस्तान आणि ऑस्ट्रेलिया (Pakistan vs Australia) यांच्यात तीन सामन्यांची कसोटी मालिका सुरु आहे. पहिला कसोटी सामना रावळपिंडीच्या मैदानात (Rawalpindi Cricket Stadium) खेळवण्यात आला. दोन्ही संघातील हा सामना अनिर्णित अवस्थेत संपला. खराब खेळपट्टीवरुन हा कसोटी सामना चर्चेत असताना आता आणखी एका गोष्टीची जोरदार चर्चा रंगू लागली आहे.
रावळपिंडीच्या मैदानातील खेळपट्टी गोलंदाजांसाठी अजिबात पूरक नव्हती. परिणामी पाकिस्तान संघाने पहिल्या डावात 4 बाद 476 धावा केल्या. ऑस्ट्रेलियाने देखील पहल्या डावात 459 धावा करुन खेळपट्टी फलंदाजांना अनुकूल असल्याचे सिद्ध केलं. चौथ्या आणि पाचव्या दिवशी गोलंदाजांना फारशी मदत मिळाली नाही. पाकिस्तान संघाने दुसऱ्या डावात बिन बाद 252 केल्या.
बोरिंग टेस्ट मॅचमध्ये 35 वर्षीय ऑस्ट्रेलियन सलामीवीराने आपल्या तोऱ्यात जान भरली. डेविड वॉर्नर (David Warner) रावळपिंडीच्या मैदानात भांगडा करत प्रेक्षकांचे मनोरंजन केले. पाकिस्तान क्रिकेट बोर्डाने आपल्या अधिकृत अकाउंटवरुन यासंदर्भातील व्हिडिओ शेअर केला आहे. यात वॉर्नर भांगडा करताना दिसते.
पहिल्या कसोटी सामन्यातील पहिल्या डावात 114 चेंडूत 68 धावांची खेळी केली होती. अर्धशतकी खेळीत त्याने 12 चौकार लगावले होते. एवढेच नाही तर पहिल्या विकेटसाठी त्याने उस्मान ख्वाजाच्या साथीनं 156 धावांची भागीदारी करुन ऑस्ट्रेलियन संघाला दमदार सुरुवात करुन देण्यात महत्त्वाची भूमिका बजावली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
