Angry Shakib Al Hasan Throws Ball at Rizwan: बांगलादेशने पाकिस्तानविरुद्ध कसोटी मालिकेतील पहिल्या सामन्यात रविवारी (२५ ऑगस्ट) १० विकेट्सने विजय मिळवला. हा बांगलादेशचा पाकिस्तानविरुद्धचा पहिलाच कसोटी विजय ठरला.
मात्र या सामन्यात एका क्षणी बांगलादेशचा अनुभवी खेळाडू शाकिब अल हसन मोहम्मद रिझवानवर चिडलेला दिसला होता, ज्याला नंतर पंचांकडून सुनावण्यात आले. या घटनेचा व्हिडिओही समोर आला आहे.
झाले असे की पाकिस्तान संघ दुसऱ्या डावात फलंदाजी करत असताना ३३ व्या षटकात शाकिब गोलंदाजी करत होता. त्यावेळी स्ट्राईकवर मोहम्मद रिझवान होता. त्यावेळी आधीच पाकिस्तान सामन्यात पिछाडीवर पडलेला होता आणि सामन्याचा अखेरचा दिवस होता. त्यामुळे तो पराभव कसा टाळण्याचा प्रयत्न करत होता.
