PAK vs NZ ODI : पाकिस्तान दौऱ्यासाठी न्यूझीलंडने वनडे मालिकेसाठी संघाची घोषणा केली आहे. पाच सामन्यांची मालिका 26 एप्रिलपासून सुरू होणार आहे. टॉम लॅथम किवी संघाचे नेतृत्व करेल. न्यूझीलंडचे अनेक स्टार खेळाडू पाकिस्तानात जाणार नाहीत. याला कारण आहे आयपीएल.
टीम साऊथी, लॉकी फर्ग्युसन, ग्लेन फिलिप्स, मायकेल ब्रेसवेल, मिचेल सँटनर आणि फिन ऍलन या लीगमध्ये खेळल्यामुळे पाकिस्तान दौऱ्यावर जाणार नाहीत. केन विल्यमसनही आयपीएलमध्ये खेळत होता, मात्र दुखापतीमुळे तो संपूर्ण स्पर्धेतून बाहेर आहे. (Latest Marathi News)
न्यूझीलंड संघात स्टार खेळाडूंच्या अनुपस्थितीमुळे पाकिस्तानातील स्टेडियममध्ये येणाऱ्या प्रेक्षकांच्या संख्येवर परिणाम होऊ शकतो. टॉम लॅथम व्यतिरिक्त किवी संघात डॅरिल मिशेल, मॅट हेन्री, जेम्स नीशम, हेन्री निकोल्स आणि इश सोधी या अनुभवी खेळाडूंचा समावेश आहे.
15 सदस्यीय संघात बेन लिस्टर आणि कोल मॅककॉन्की या दोन नव्या चेहऱ्यांचाही समावेश करण्यात आला आहे. या दोन्ही खेळाडूंना पाकिस्तानमध्ये आंतरराष्ट्रीय क्रिकेटमध्ये पदार्पण करण्याची संधी मिळेल अशी अपेक्षा आहे.
संघाच्या घोषणेनंतर न्यूझीलंडचे मुख्य प्रशिक्षक गॅरी स्टीड म्हणाले की, यावर्षी एकदिवसीय विश्वचषक भारतात होणार असून या मालिकेद्वारे खेळाडूंना तयारीसाठी मोठी मदत मिळणार आहे. न्यूझीलंड आणि पाकिस्तान यांच्यातील एकदिवसीय सामन्यानंतर 5 टी-20 सामन्यांची मालिकाही खेळवली जाणार आहे.
न्यूझीलंड एकदिवसीय संघ : टॉम लॅथम, टॉम ब्लंडेल, चॅड बोवेस, मॅट हेन्री, बेन लिस्टर, कोल मॅककॉन्की, अॅडम मिल्ने, डॅरिल मिशेल, जेम्स नीशम, हेन्री निकोल्स, रचिन रवींद्र, हेन्री शिपले, ईश सोधी, ब्लेअर टिकनर आणि विल यंग.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
