Imad Wasim Announces Retirement From International Cricket : वर्ल्ड कप संपल्यानंतर पाकिस्तानच्या सर्वोत्कृष्ट अष्टपैलू खेळाडू इमाद वसीमने आंतरराष्ट्रीय क्रिकेटमधून निवृत्तीची घोषणा केली आहे. वयाच्या 34 व्या वर्षी त्यांनी निवृत्ती जाहीर केली. इमाद बराच काळ संघाबाहेर होता. कदाचित त्यामुळेच त्यांनी निवृत्तीची घोषणा केली असावी.
इमाद वसीमने त्याच्या सोशल मीडिया अकाउंटवरून निवृत्तीची घोषणा केली. त्यांनी एका पोस्टमध्ये लिहिले आहे की, मी बऱ्याच दिवसांपासून निवृत्तीचा विचार करत होतो. आता निवृत्तीची योग्य वेळ आहे.
इमाद वसीमने त्याच्या एक्स अकाऊंटवरून ट्विट केले आणि लिहिले की, “अलिकडच्या काळात, मी माझ्या आंतरराष्ट्रीय कारकिर्दीबद्दल खूप विचार करत आहे. आणि मी या निष्कर्षापर्यंत पोहोचलो आहे की आंतरराष्ट्रीय क्रिकेटमधून निवृत्तीची घोषणा करण्याची हीच योग्य वेळ आहे. नव्या प्रशिक्षकाच्या आगमनाने पाकिस्तान क्रिकेट संघाने भविष्यात चांगली कामगिरी करावी अशी माझी इच्छा आहे. संघाची चमकदार कामगिरी पाहण्यासाठी मी उत्सुक आहे. माझे कुटुंब आणि मित्रांचे आभार ज्यांनी मला सर्वोच्च स्तरावर पोहोचण्यास मदत केली.
इमादने या वर्षी एप्रिल महिन्यात पाकिस्तानसाठी शेवटचा सामना न्यूझीलंडविरुद्ध खेळला होता. या सामन्यात तो 14 चेंडूत 31 धावा करून धावबाद झाला. याशिवाय त्याने 2 बळीही घेतले. 2020 मध्ये तो शेवटचा वनडे खेळला.
आत्तापर्यंत इमादने पाकिस्तानसाठी एकूण 55 एकदिवसीय आणि 66 टी-20 सामने खेळले आहेत. या कालावधीत त्याने अनुक्रमे 986 आणि 486 धावा केल्या आहेत. एकदिवसीय क्रिकेटमध्ये त्याच्या नावावर एकूण 5 अर्धशतके आहेत. तर त्याला एकही शतक झळकावता आले नाही. गोलंदाजी करताना त्याने एकदिवसीय सामन्यात 44 आणि टी-20 मध्ये 65 विकेट्स घेतल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
