World Cup 2023 : पाकिस्तान नाही तर कोणता संघ खेळणार वर्ल्ड कप? ICC चा Plan-B तयार

ICC World Cup 2023 : विश्वचषकाचे वेळापत्रक जाहीर होऊनही 2023 च्या विश्वचषकात पाकिस्तानच्या सहभागाबाबत अनिश्चितता कायम आहे. विश्वचषक स्पर्धेचे वेळापत्रक जाहीर करण्यात आले असून जर पाकिस्तानने या मेगा टूर्नामेंट मध्ये खेळला नाही तर आयसीसीकडेही यासाठी प्लॅन बी तयार आहे.

2023 च्या क्रिकेट विश्वचषकाची प्रत्येकजण आतुरतेने वाट पाहत आहे. या स्पर्धेत 5 ऑक्टोबर ते 19 नोव्हेंबर दरम्यान अहमदाबादच्या नरेंद्र मोदी स्टेडियमवर उद्घाटन आणि अंतिम सामन्यांसह 48 सामने खेळले जातील.

2023 च्या विश्वचषकात पाकिस्तानचा सहभाग संशयाच्या भोवऱ्यात आहे, पाकिस्तान सरकारने यांना भारतात खेळण्यासाठी अद्याप परवागी दिलेली नाही. जर पाकिस्तानने भाग घेतला नाही तर त्यांच्या जागी क्वालिफायरमधील तिसऱ्या क्रमांकाचा संघ खेळेल.

ग्रुप स्टेजमधील दोन सामने गमावल्यामुळे वेस्ट इंडिजवर वर्ल्डकपसाठी पात्रता न मिळण्याचा धोका आहे. श्रीलंका, झिम्बाब्वे, स्कॉटलंड, नेदरलँड आणि ओमान हे संघ सुपर सिक्ससाठी पात्र ठरले आहेत.

आशिया चषक आणि विश्वचषकाचे यजमानपद जाहीर झाले आहे. भारताने पाकिस्तानचा दौरा करण्यास नकार दिला, परिणामी ही स्पर्धा पाकिस्तान आणि श्रीलंकेतील सामन्यांसह हाइब्रिड मॉडल अंतर्गत आयोजित करण्यात आली.

भारताने शेवटचा पाकिस्तानचा दौरा 2008 मध्ये केला होता, तर पाकिस्तानने शेवटचा T20 वर्ल्ड कपसाठी 2016 मध्ये भारताचा दौरा केला होता. पाकिस्तान विश्वचषक २०२३ च्या वेळापत्रकानुसार पाच ठिकाणी अहमदाबाद, कोलकाता, चेन्नई, बेंगळुरू आणि हैदराबाद खेळेल.