Pakistan In Semi Final : वर्ल्डकप 2023 मध्ये गुणतालिकेत चौथा क्रमांक पटकावून सेमी फायनल गाठण्यासाठी न्यूझीलंडने आपली दावेदारी प्रबळ केली आहे. मात्र असं असलं तरी न्यूझीलंड सेमी फायनलमध्ये अजून अधिकृतरित्या पोहचलं नाही कारण पाकिस्तानला अजून सेमी फायनल गाण्याची संधी आहे. मात्र ही संधी त्यांना मोठं दिव्य पार केल्यानंतरच मिळणार आहे. विशेष म्हणजे पाकिस्तानला हे शिवधनुष्य पेलवेल असे वाटत नाही.
गतविजेत्या इंग्लंडसोबत पाकिस्तानचा लीग स्टेजमधील शेवटचा सामना होणार आहे. इंग्लंड जरी सेमी फायनलमधून आधीच बाहेर गेला असला तरी ते सध्या आपल्या अत्मसन्मानसाठी खेळत आहेत. त्यांना गमावण्यासारखं आता काही राहलेलं नाही. त्यामुळे ते फिअरलेस क्रिकेट खेळणार हे नक्की. हेच पाकिस्तानसमोरचं मोठं आव्हान असणार आहे.
पाकिस्तान सेमी फायनल गाठण्यासाठी इंग्लंडविरूद्धच्या सामन्यात आधी नाणेफेक जिंकावी लागणार आहे. त्यानंतर त्यांना कोलकात्यात होणाऱ्या सामन्यात पुढील प्रमाणे इक्वेशन ठेवून सामना जिंकावा लागणार आहे. तरच पाकिस्तान सेमी फायनल गाठू शकणार आहे.
पाकिस्तानने 300 धावा केल्या तर इंग्लंडला 13 धावात गुंडाळावं लागेल.
जर पाकिस्तानने 400 धावा केल्या तर इंग्लंडला 112 धावात गुंडाळावं लागेल.
जर पाकिस्तानने 450 धावा केल्या तर इंग्लंडला 162 धावात गुंडाळावं लागेल.
जर पाकिस्तानने 500 धावांची विक्रम केला तर इंग्लंडला 211 धावात गुंडाळावं लागेल.
पाकिस्तान हे दिव्य पार करेल असं वाटत नाही. त्यामुळे पाकिस्तानचं कोलाकात्यातून थेट कराचीचं तिकीट जवळपास नक्की झालं आहे. त्यांचे सामान आधीच विमानतळावर पोहचलं आहे. वानखेडेत भारत आणि पाकिस्तान नाही तर भारत - न्यूझीलंड सामना होण्याची दाट शक्यता आहे.
भारताला 2019 च्या वनडे वर्ल्डकपमधील सेमी फायनलचा बदला घेण्याची संधी मिळेल. 2019 च्या सेमी फायनलमध्ये देखील भारत - न्यूझीलंड आमने सामने आले होते. त्या सामन्यात न्यूझीलंडने भारताचा 18 धावांनी पराभव केला होता.
न्यूजीलंडने भारतासमोर विजयासाठी 240 धावांचे आव्हान ठेवले होते. मात्र भारताचा संपूर्ण डाव 49.3 षटकात 221 धावांवर संपुष्टात आला. महेंद्रसिंह धोनी 72 चेंडूत 50 धावा करून बाद झाला. त्यावेळी भारताला विजयासाठी 9 चेंडूत 24 धावांची गरज होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
