टी 20 वर्ल्ड कप स्पर्धेत धमाकेदार कामगिरी करणाऱ्या पाकिस्तानच्या असिफ अलीला आक्टोबर महिन्यातील आयसीसी प्लेयर ऑफ द मंथ पुरस्काराने सन्मानित करण्यात आले आहे. बांगलादेशचा शाकिब अल हसन आणि नामिबियाचा डेविड विसे या दोघांची या पुरस्कारासाठी शिफारस करण्यात आली होती. यात पाकिस्तानी खेळाडूनं बाजी मारलीये.
असिफ अलीने ICC T20 वर्ल्ड कप 2021 स्पर्धेत पाकिस्तानी संघाला सेमीफायनलमध्ये पोहचवण्यात महत्त्वाची भूमिका बजावली आहे. उजव्या हाताने फलंदाजी करणाऱ्या असिफ अलीने न्यूझीलंड आणि अफगाणिस्तान विरुद्धच्या सामन्यात मॅच विनिंग खेळी केली होती. दोन्ही सामने रंगतदार झाले होते. पाकिस्तानकडून अलीची खेळी सामन्याला कलाटणी देणारी ठरली होती.
असिफ अलीला वर्ल्ड कप संघात अखेरच्या क्षणी स्थान मिळाले. आपल्या कामगिरीनं त्याने निवड समितीची विश्वास सार्थ ठरवला आहे. टी-20 वर्ल्ड कप स्पर्धेत त्याचा स्ट्राइक रेट 270 पेक्षा अधिक आहे. अफगानिस्तान विरुद्धच्या सामन्यात करीम जनतच्या एका षटकात त्याने चार षटकार मारुन संघाला विजय मिळवून दिला होता.
महिला गटातून आयर्लंडची कर्णधार लॉरा डेलानी हिला महिन्यातील सर्वोत्तम खेळाडूचा पुरस्कार जाहीर झाला आहे. झिम्बाब्वे विरुद्ध वनडे मालिका विजयात तिने मोलाची भूमिका बजावली होती. 189 धावासह तिने 4 विकेट घेतल्या होत्या.
दोन सामन्यात छोटेखानी खेळी करुन असिफ अली रातोरात हिरो झालाय. वर्ल्ड कप स्पर्धेतील धमाकेदारी खेळीनं आता क्रिकेट जगतात त्याची स्वतंत्र ओळख निर्माण झाली आहे. टी20 वर्ल्ड कप स्पर्धेत पाकिस्तानने दमदार कामगिरी करुन दाखवली आहे. सुपर 12 मधील सर्वच्या सर्व लढती जिंकून त्यांनी दिमाखात सेमीफायनल गाठलीये. असिफ अली मॅच फिनिशिंगच्या रुपात आपली छाप उमटवताना दिसतोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.