सिडनी : अॅशेस मालिकेतील अखेरच्या कसोटी सामन्यात मनगटाचे हाड मोडलेले असतानाही खेळणारा ऑस्ट्रेलियाचा कर्णधार पॅट कमिंस पुढील महिन्यात होणाऱ्या भारत दौऱ्यास मुकण्याची शक्यता आहे. विश्वकरंडक क्रिकेट स्पर्धेच्या तयारीसाठी ऑस्ट्रेलियाचा संघ भारतात तीन एकदिवसीय सामन्यांची मालिका खेळणार आहे.
क्रिकेट ऑस्ट्रेलियाने कमिंसच्या दुखापतीची ही माहिती अधिकृतपणे उघड केलेली नाही. पुढील महिन्यातील भारत दौऱ्याची सुरुवात २२ सप्टेंबरपासून होत असून पहिला सामना मोहालीत होणार आहे.
पाचव्या अॅशेस कसोटी सामन्यात पहिल्याच दिवशी कमिंसच्या मनगटाचे हाड दुखावले होते. मनगटावर तो बँडेज लावून पूर्ण सामन्यात खेळला होता. फलंदाजी करताना त्याला त्रास होत असल्याचे दिसून येत होते.
भारत दौरा आणि त्याअगोदर होणाऱ्या दक्षिण आफ्रिकेविरुद्धच्या मालिकेसाठी क्रिकेट ऑस्ट्रेलियाने अजून संघ जाहीर केलेला नाही. कमिंस खेळू शकला नाही तर मिशेल मार्श कर्णधार असण्याची शक्यता आहे. गतवर्षीच्या भारत दौऱ्यात कमिंसच्या अनुपस्थितीत स्टीव स्मिथने ऑस्ट्रेलियाचे नेतृत्व केले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.