क्रिकेट म्हटलं की एकतर पांढरे कपडे किंवा रंगीबेरंगी किट घातलेले खेळाडू आपल्याला दिसतात. मात्र मध्य प्रदेशची राजधानी भोपाळमध्ये एक अशी स्पर्धा सुरु आहे जिथे खेळाडू धोतर आणि कुर्ता घालून खेळाडू खेळत आहे. याचबरोबर सामन्याचे समालोचनही संस्कृतमधून होत आहे. या अनोख्या क्रिकेट स्पर्धेचे आयोजन महर्षी वैदिक परिवाराने केले आहे. (playing cricket with dhoti kutra commentary in Sanskrit)
भोपाळमध्ये सुरु असलेली ही स्पर्धा लोकांच्या विशेष पसंतीस उतर आहे. सामन्याची सुरुवात वैदिक मंत्राने होते. तर धार्मिक विधी करणारे पंडित या सामन्यात मैदानात उतरुन षटकार आणि चौकारांचे विधी करताना दिसत आहेत. याबाबत बोलताना एका खेळाडूने सांगितले की ही स्पर्धा संस्कृत भाषेला (Sanskrit Language) प्रोत्साहन देण्यासाठी आयोजित केली आहे. याचबरोबर ते पंडित वैदिक कर्मकांडात सहभागी होतात ते खेळही खेळू शकतात हा संदेश देण्याचाही प्रयत्न यातून केला जात आहे.
या स्पर्धेत टिळा लावलेले खेळाडू, रुद्राक्ष घातलेले खेळाडू लिलया चौकार आणि षटकारांची आतषबाजी करत होते. जरी हे कर्मकांड करणारे खेळाडू असले तरी त्यांच्यामध्ये विजयासाठी एक वेगळीच उर्मी दिसत होती. त्याच्यावर संस्कृतमध्ये होत असलेली कॉमेंटरी स्पर्धेची रंजकता अजूनच वाढवत होती. गेल्या वर्षीही भोपाळमध्ये या स्पर्धेचे आयोजन करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
