Pro Kabaddi League Auction 2024 Mayur Kadam Live : प्रो कबड्डी लीग २०२४ लिलावाच्या दुसऱ्या दिवशी एकाही खेळाडूवर कोटींची बोली लागली नाही. नीरज कुमारला गुजरात जायंट्सने ५० लाखांत आपल्या ताफ्यात दाखल करून घेतले. पाटना पायरेट्सने दीपक सिंगसाठी ५० लाख मोजले. त्याव्यतिरिक्त अन्य खेळाडूंची गाडी २० लाखांच्या आतच अडकलेली पाहायला मिळाली, परंतु महाराष्ट्राच्या मयुर कदमने आजच्या दिवसात चांगली मुसंडी मारलेली पाहायला मिळाली.
लिलावाच्या पहिल्या दिवशी सचिन तनवरने सर्वाधिक २.१५ कोटींची किंमत घेतली आणि तो तमिळ थलायव्हाजकडून खेळणार आहे. इराणचा मोहम्मद्रेझा चियानेह ( २.०७ कोटी), गुमान सिंग ( १.९७ कोटी), पवन सेहरावत ( १.७२५ कोटी) आणि भरत ( १.३० कोटी) हे महागडे खेळाडू ठरले. चढाईपटूंमध्ये मनिंदर सिंग ( १.१५ कोटी), अजिंक्य पवार ( १.१०७ कोटी) व मनजीत ( ८० लाख) यांनीही मोठी रक्कम घेतली.
रत्नागिरीच्या अजिंक्य पवारला १.१० कोटींची बोली लावून बंगळुरू बुल्सने आपल्या ताफ्यात घेतले. तेच ऐकेकाळी १.४५ कोटी कमावणाऱ्या सिद्धार्थ देसाईसाठी फक्त २६ लाखांची बोली लागली गेली. २७ वर्षीय मयुर कदमने आज देसाईपेक्षा जास्त रक्कम घेतली. बंगाल वॉरियर्सने महाराष्ट्राच्या बचावपटूला ३०.२० लाखांत आपल्या ताफ्यात घेतले.
मयुरचा जन्म २७ ऑक्टोबर १९९७ सालचा... सामान्य कुटुंबातील मयुरने कुमार वयातच राज्य संघाचे प्रतिनिधित्व केले आणि कबड्डी वर्तुळात नाव कमावले. प्रो कबड्डी लीगच्या सातव्या पर्वात त्याने बंगळुरू बुल्सकडून पदार्पण केले. २०१९ मध्ये बंगळुरूकडून तो २३ सामने खेळले आणि ५७ गुणांची कमाई केली. त्याच्या पकडीचा स्ट्राईक रेट हा ४९% होता. पुढच्या पर्वात बंगळुरूने १५ लाखांत त्याला कायम राखले आणि त्याने २४ सामन्यांत पकडीत ६९ गुण कमावले. पुढच्या पर्वात बंगळुरूने त्याला एक लाख वाढवून दिले. पण, आज त्याला ३० लाखांच्या वर रक्कम मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.