Pro Kabaddi League Auction 2024 Jang Kun Lee Live : प्रो कबड्डी लीग २०२४ च्या लिलावात पहिल्या दिवशी ८ खेळाडूंवर कोटींची बोली लागली. प्रो कबड्डी लीगच्या इतिहासात प्रथमच ८ खेळाडू कोट्यधीश झाले आणि दुसऱ्या दिवशी कोण महागडा ठरतो, याची सर्वांना उत्सुकता आहे. पण, आज सर्वांचे लक्ष वेधले ते जँग कून ली याने.. २०१९ नंतर प्रथमच स्टार खेळाडू प्रो कबड्डी लीगमध्ये परतला आहे आणि तो आता सर्वाधिक जेतेपद जिंकणाऱ्या संघाकडून खेळणार आहे.
लिलावाच्या पहिल्या दिवशी सचिन तनवरने सर्वाधिक २.१५ कोटींची किंमत घेतली आणि तो तमिळ थलायव्हाजकडून खेळणार आहे. इराणचा मोहम्मद्रेझा चियानेह ( २.०७ कोटी), गुमान सिंग ( १.९७ कोटी), पवन सेहरावत ( १.७२५ कोटी) आणि भरत ( १.३० कोटी) हे महागडे खेळाडू ठरले. चढाईपटूंमध्ये मनिंदर सिंग ( १.१५ कोटी), अजिंक्य पवार ( १.१०७ कोटी) व मनजीत ( ८० लाख) यांनीही मोठी रक्कम घेतली.
दक्षिण कोरियाचा माजी व्यावसायिक कबड्डीपटू कून ली हा प्रो कबड्डी लीगमध्ये चढाईत ४०० गुण घेणारा तो पहिला परदेशी खेळाडू ठरला होता. बंगाल वॉरियर्सने त्याला रिटेन ठेवल्यानंतर तो most valuable international खेळाडू ठरला होता. सहाव्या पर्वातही तो बंगालकडून खेळला. त्यानंतर तो पाटना पायरट्सकडून खेळला आणि प्रो कबड्डी लीगच्या इतिहासात सर्वात यशस्वी परदेशी चढाईपटू म्हणून मैदान गाजवले.
दक्षिण कोरियाचा स्टार कबड्डीपटू २०१९नंतर प्रो कबड्डी लीगमध्ये आला आहे आणि तीन वेळच्या विजेत्या पाटना पायरट्सने त्याला १७.५० लाख रुपये मोजून आपल्या संघात घेतले. पाटनाने प्रो कबड्डीच्या तिसऱ्या, चौथ्या व पाचव्या पर्वात बाजी मारून जेतेपदाची हॅटट्रिक साजरी केली होती.
अकिकाझू इजून, ज्यून जिए ली, मोबीन नाझरी, वू फू कई जिन, चायाफोन कामुनी आणि पिओट्र पामुलाक हे परदेशी चढाईपटू अनसोल्ड राहिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
