U Mumba vs Haryana Steelers: कोपरारक्षक महंमदरेझा शाडलुईच्या (हाय फाईव्ह आणि सुपर टेन) अष्टपैलू कामगिरीच्या जोरावर प्रो कबड्डी लीगमधील सोमवारी झालेल्या लढतीत हरियाना स्टीलर्सने यू मुंबाची विजयी घोडदौड ४८-३९ अशी रोखली. यू मुंबाकडून केवळ अजित चौहान यालाच चमक दाखवता आली. या चमकदार विजयाने हरियाना स्टीलर्सने ३१ गुणांसह गुणतक्त्यात आघाडी मिळवली. अन्य लढतीत पाटणा पायरेट्स संघाने गुजरात जायंट्स संघावर ४०-२७ असा विजय साकारला.