Tamil Thalaivas vs Gujarat Giants: तमिळ थलैवाजने प्रो कबड्डी लीग २०२४ मध्ये बुधवारी तिसऱ्या विजयाची नोंद केली. तमिळ संघाने हैदराबादच्या गचीबोवली येथील जीएमसीबी इनडोअर स्टेडियमवर गुजरात जायंट्सचा ४४-२५ असा पराभव केला. नरेंदर कंडोला (१५), सचिन (५) यांनी चढाईत वर्चस्व गाजवले, तर नितेश कुमार (४), आमीर होसैन (४) व साहिल गुलिया (५) यांच्या पकडीने गुजरातचे आक्रमक थोपवून लावले.फॉर्मात असलेल्या तमिळ संघाने सुरुवातीच्या १० मिनिटांत गुजरातला कडवी टक्कर दिली.
तमिळ संघाच्या नरेंदर कंडोलाला गुजरातच्या गुमान सिंगने चांगली टक्कर दिली होती, परंतु तमिळने ११-९ अशी आघाडी मिळवून पहिल्या सत्राचा पहिला टप्पा गाजवला. दोन्ही संघांनी पकडीचे प्रत्येकी १-१ गुणच घेतले होते, तर तमिळने चढाईत ९ गुण घेताना १० मिनिटांत आघाडी घेतली. पहिल्या सत्राच्या दुसऱ्या टप्प्यात गुजरातने चांगले पुनरागमन केले आणि तमिळला त्यांनी चुका करण्यास भाग पाडून पिछाडी १२-१३ अशी एका गुणावर आणली.
१३-१३ अशी बरोबरी असताना गुजरातसाठी डू ऑर डाय रेड होती, तर तमिळला सुपर टॅकलची संधी होती. त्यात आमीरने गुजरातच्या खेळाडूची उल्लेखनीय पकड करून तमिळला १५-१३ अशी आघाडी मिळवून दिली. तमिळ संघाने पुन्हा एक सुपर टॅकल केली, यावेळीही आमीर होसेनने चांगली पकड केली.
सलग दोन सुपर टॅकलमुळे तमिळ संघाने १७-१४ अशी आघाडी वाढवली. पहिल्या सत्रामध्ये तमिळ संघाने आघाडी बनवून सामन्यात चांगले पुनरागमन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
