PSL Prize Money : पाकिस्तान प्रत्येक बाबतीत भारताची बरोबरी करतो. पाकिस्तान सुपर लीग ही जगातील सर्वात मोठी क्रिकेट लीग, इंडियन प्रीमियर लीगपेक्षा चांगली असल्याचा दावा त्याचे खेळाडू करतात, परंतु सत्य वेळोवेळी बाहेर येते. आता पाकिस्तान सुपर लीगची बक्षीस रक्कम घ्या. गद्दाफी स्टेडियमवर झालेल्या रोमांचक फायनलमध्ये लाहोर कलंदर्सने मुलतान सुलतान्सचा 1 धावाने पराभव केला.
शाहीन आफ्रिदीच्या नेतृत्वाखालील विजयी लाहोर कलंदर्स संघाला 120 दशलक्ष पाकिस्तानी रुपये देण्यात आले, तर मोहम्मद रिझवानच्या नेतृत्वाखालील उपविजेत्या संघाला 48 दशलक्ष मिळाले. सलग दुसऱ्यांदा चॅम्पियन बनलेल्या कलंदर्स संघाला अंदाजे 3.6 कोटी इतकी रक्कम मिळाली, तर उपविजेत्या संघाला 1.5 कोटी इतकी रक्कम मिळाली आहे.
विशेष म्हणजे महिला प्रीमियर लीग (WPL) लिलावात आपल्या स्मृती मंधानाला रॉयल चॅलेंजर्स बंगलोरने 3.4 कोटी रुपयांना विकत घेतले होते, जे जवळपास PSL चॅम्पियन्सइतकेच आहे. जर आपण आयपीएल विजेत्याला मिळालेल्या पैशांबद्दल बोललो तर, गेल्या हंगामातील विजेत्या गुजरात टायटन्सला 20 कोटी मिळाले, तर उपविजेत्या राजस्थान रॉयल्सला 13 कोटी मिळाले, जे पाकिस्तान सुपर लीगपेक्षा खूप जास्त आहे.
प्रथम फलंदाजी करताना लाहोर कलंदरने 20 षटकांत 6 गडी गमावून 200 धावा केल्या. शफीकने 65 धावांची खेळी खेळली, तर 15व्या षटकाच्या दुसऱ्या चेंडूवर क्रीझवर उतरलेल्या कर्णधार शाहीन आफ्रिदीने 15 चेंडूत 5 षटकार आणि 2 चौकारांच्या मदतीने नाबाद 44 धावा केल्या.
201 धावांच्या लक्ष्याचा पाठलाग करताना मुलतान सुलतान्सचा संघ रिजी रुसोच्या अर्धशतकानंतरही 8 गडी गमावून 199 धावाच करू शकला. लाहोर कलंदरकडून शाहीन आफ्रिदीने चार विकेट घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.